सहकारीले विपत्का बेला सदस्यलाई राहात वितरण गर्नुपर्छ : सह-अध्यक्ष पौडेल

काठमाडौं : राष्ट्रिय सहकारी विकास बोर्डका सह-अध्यक्ष दक्ष पौडेलले मुलुक कोरोना भाइरस (कोभिड–१९)को असर प्रभावित भएको बेला सुरक्षित र धैर्य भएर सेवा दिन सहकारीकर्मीलाई आग्रह गर्नुभएको छ ।

६३ औं राष्ट्रिय सहकारी दिवसको अवसरमा बिहीवार शुभकामना सन्देश जारी गर्दै पौडेलले विश्वभर फैलिएको कोरोना भाइरसको महामारीले अर्थतन्त्रमा ठूलो क्षती पु¥याएकोमा दुःख व्यक्त गर्नुहुँदै विपत्को बेला सहकारी क्षेत्रले राज्यका निकायसँग सहकार्य र साझेदारी गरेर आफ्ना सदस्यलाई सघाउन पनि आग्रह गर्नुभएको छ ।

महामारीको विषम परिस्थितिले सहकारी दिवस विशेष कार्यक्रम गरी मनाउन कठिन भए पनि आफ्नो क्षेत्रबाट सहकारीका सदस्य र समाजप्रति सामाजिक उत्तरदायित्व निर्वाह गर्न बोर्डका सहअध्यक्ष पौडेलले अपिल गर्नुभएको छ ।

मुलुकमा आइपरेको संकटको सामाना गर्न सहकारी क्षेत्र आफ्ना सदस्य तथा नागरिकलाई राहात वितरण गर्ने, जनचेतना फैलाउने लगायतका कामबाट पु¥याएको योगदानको पनि पौडेलले प्रशंसा गर्नुभएको छ। उहाँले सहकारीले विपत्का बेला आफ्ना सदस्यलाई राहात वितरण गर्नुपर्ने बताउनुभयो ।