लकडाउनमा ‘सहकारीको सारथी’ पुस्तक निःशुल्क

बनेपा : कोडिड –१९ को संक्रमणबाट बच्च घर भित्र बसेकाहरुलाई जिल्ला सहकारी संघ काभ्रेका सचिव दिलिप शर्माले निःशुल्क पुस्तक वितरण गर्ने घोषणा गर्नु भएको छ ।

सहकारीका गतिविधिहरुलाई समेटेर संघका सचिव शर्माद्वारा लिखित ‘सहकारीको सारथी’ नामक पुस्तक पढ्न इच्छुक व्यक्तिलाई निःशुल्क उपलब्ध गराउन लागिएको हो ।

सहकारीको माध्यमबाट हुने सामाजिक रुपान्तरण, स्थानीय स्तरदेखी अन्तार्राष्ट्रिय स्तरसम्मको सहकारीको अवस्थालाई पुस्तकमा समेटिएको छ ।

काभ्रेको डाँडापारी, कोशीपारी लगायतका सहकारीको अवस्था र अनुभवलाई समेटेर उक्त पुस्तक लक डाउनका समयमा घरमा बसेर दिन ढिक्क भएकाहरुलाई अध्ययन गर्नका लागि निःशुल्क उपलब्ध गराउन लागेको पुस्तकका लेखक शर्माले जानकारी दिनुभयो ।