झापा पुग्ने पर्यटकलाई शिखर साकोसको स्वागत

झापा, १६ पुस ।

विर्तामोडमा रहेको शिखर बचत तथा ऋण सहकारी संस्थाले झापा पुग्ने पर्यटकलाई स्वागत गरेको छ ।

सहकारी संस्थाका सञ्चालक समिति, कर्मचारीहरु चन्द्रगढी विमानस्थल पुगेर आगन्तुक पर्यटकलाई झापामा स्वागत गरेको हो ।

संस्थाले स्वदेशी तथा विदेशी पर्यटकहरुलाई खादा र पुष्प गुच्छाले स्वागत गरेको संस्थाका अध्यक्ष दीपेन्द्र राउतले जानकारी दिए ।

भिजिट नेपाल २०२० लाई सफल बनाउने शिखर सहकारीले विभिन्न अभियान सञ्चालन गर्दै आएको अध्यक्ष राउतले जानकारी दिए । संस्थाले झापाका पर्यटकीय गन्तव्यहरुको समेत प्रचार प्रसार गर्दै आएको छ ।