जिल्ला सहकारी संघ दार्चुलाको अध्यक्षमा जोशी

दार्चुला, ८ मंसिर

जिल्ला सहकारी संघ लिमिटेड दार्चुलाको आठौं वार्षिक साधारण सभा तथा तेस्रो अधिवेशनले धनराज जोेशीलाई अध्यक्षमा सर्वसम्मतीले चयन गरेको छ । शनिबार सम्पन्न साधारण सभाले जोशीलाई संघमा लगातार तेस्रो पटक अध्यक्षको जिम्मेबारी दिएको हो । जोशीको अध्यक्षतामा ९ सदस्यीय जिल्ला कार्यसमिति चयन गरेको हो ।

संघको संचालक समितिको उपाध्यक्षमा भगवती बडाल, सचिवमा श्याम सिंह सामन्त, कोषाध्यक्षमा प्रेम बल्लभ जोशीलाई चयन गरिएको छ । समितिको सदस्यहरुमा हिरा सिंह धामी, जनकराज जोशी, शुक्लावती बुढाथोकी, हिरादेवी अवस्थी र लक्ष्मी मिश्रलाई सर्वसम्मत चयन गरेको हो ।

हरक सिंह बडालको संयोजकत्वमा ३ सदस्यीय लेखा समिति चयन भएका छन् । समितिको सदस्यहरुमा नन्दा लोहार र शंकर सिंह महरा चयन भएका छन् ।