श्री केदारनाथ साकोसको अध्यक्षमा बडाल

दार्चुला, २२ भदौ । महाकाली नगरपालिका–४, दार्चुलाको श्री केदारनाथ बचत तथा ऋण सहकारी संस्थाको १४ औं वार्षिक साधारण सभा तथा छैटौं अधिवेशन सम्पन्न भएको छ ।

अधिवेशनले हरकसिंह बडाललाई अध्यक्षमा चयन गरेको छ । संस्थाको संचालक समितिको उपाध्यक्ष शान्ति जोशी, सचिवमा सुरेन्द्र बहादुर बम, कोषाध्यक्षमा जयन्ती बम, सदस्यहरु जमन सिंह महरा, विनोद सिंह कुँवर र मन्जु कुँवर रहेका छन् । त्यस्तै लेखा समितिको संयोजकमा किसन सिंह कुँवर र सदस्यहरुमा कौशिला धामी (महरा) र हरक सिंह बडाल चयन भए ।

केदारनाथ साकोस जिल्लाकै ठूलो र पुरानो सहकारी संस्था हो । संस्थामा २ हजार ९ सय ६४ जना सदस्य रहेको छ ।

संस्थाको सेयर ९५ लाख १५ हजार, लगानी ८ करोड ६४ लाख र बचत ४ करोड ३६ लाख रहेको छ ।