चन्द्रागिरि साकोसका सदस्यलाई व्यवसायिक साक्षरता तालिम

काठमाडौं, २६ साउन
चन्द्रागिरि बचत तथा ऋण सहकारी संस्थाले सदस्यहरुलाई व्यवसायिक साक्षरता तालिम दिएको छ ।

संस्थाले साउन २५ र २६ गते सदस्यहरुमा उद्यमशिलता प्रर्वद्धन गर्ने उद्देश्यका साथ तालिम सञ्चालन गरेको हो । ३९ जना सदस्यहरुको तालिम प्राप्त गरेका छन् ।

तालिम कार्यक्रमको उद्घाटन संस्थाका अध्यक्ष शिवशंकर मानन्धरले गरेका थिए । कार्यक्रममा संस्थाका सचिव योगेन्द्रकुमार कुँवर, कोषाध्यक्ष अच्युतकुमार कार्की, लेखा सुपरिवेक्षण समितिका संयोजक गोविन्दप्रसाद मिश्र र सदस्य भानुप्रकाश ढकालको उपस्थिति रहेको थियो ।

तालिमका प्रशिक्षक सूर्यलक्ष्मी बज्राचार्यले सहभागिहरुलाई व्यवसाय संचालन गर्न आवश्यक पर्ने आधारभुत विषयहरुको बारेमा प्रयोगात्मक तरिकाबाट प्रशिक्षण दिएका थिए ।

तालिमका सहभागिरुले उक्त तालिमबाट व्यवसाय गर्दा जोखिम लिनुपर्ने, बजार अनुसार आफ्नो व्यवसाय विकास र विस्तार गर्नुपर्ने, व्यवसायिक योजना र वित्तिय व्यवस्थापन गर्नुपर्ने जस्ता महत्वपूर्ण विषयहरु सिकाई भएको विचार व्यक्त गरेका थिए ।

तालिममा संस्थाका कर्मचारीहरु समेत सहभागी भई आवश्यक सहजीकरणमा सहयोग पु¥याएका थिए ।

तालिम पश्चात आफ्नो व्यवसायिक योजना बनाई पेश गर्ने सहभागीहरुलाई संस्थाबाट आवश्यक प्राविधिक तथा वित्तीय सहयोग गरिने संस्थाका प्रमुख कार्यकारी अधिकृत श्रेष्ठले बताए ।

संस्थाका प्रमुख कार्यकारी अधिकृत श्रेष्ठले बताए ।

तालिमको समापन कार्यक्रममा लेखा सुपरिवेक्षण समितिका संयोजक गोविन्दप्रसाद मिश्रले सहभागिहरुलाई प्रमाण पत्र प्रदान गरेका थिए ।