विकु र मेलमिलाप बीच एकिकरण, १२ औं सेवा केन्द्र गैंडाकोटको ढोडेनीमा

गैंडाकोट, ८ असार

विकू बचत तथा ऋण सहकारीले १२ औं सेवा केन्द्रका रुपमा गैंडाकोट ३ ढोडेनीमा मेलमिलाप सेवा केन्द्रको उद्घाटन गरिएकोे छ ।

विकु बचत तथा ऋण सहकारी संस्था लिमिटेड र मेलमिलाप बचत तथा ऋण सहकारी संस्था लिमिटेड बीचको एकिकरण पश्चात एकिकृत सेवा शुभारम्भ तथा मेलमिलाप सेवा केन्द्रको समुद्घाटन गरिएकोे हो ।

सेवा केन्द्रको विकूका अध्यक्ष केशवप्रसाद सापकोटाले गरेका थिए । समुद्घाटन समारोहलाई सम्बोधन गर्दै सापकोटाले विकूले ढोडेनीको विकासका लागि विगतदेखि नै काम गर्दै आईरहेकोमा अब सहकारीका माध्यमबाट थप सेवा प्रदान गर्ने बताए ।

कार्यक्रममा बोल्दै विशिष्ट अतिथि गैंडाकोट ३ का वडाअध्यक्ष शिवकान्त तिवारीले विकूले पहिलेदेखि नै सेवा प्रदान गरिरहेपनि स्वतन्त्र रुपमा मेलमिलाप सहकारी स्थापना भएपनि सेवा प्रवाहमा एक्लो प्रयासले सम्भव नदेखेपछि एकिकरणमा गएको बताए ।

मेलमिलाप बचत तथा ऋण सहकारी संस्थाका अध्यक्ष धनबहादुर चितौरेले सेवा प्रदान गर्ने सन्र्दभमा थप मद्दत पुग्ने भएपछि एकिकरण गरेको जनाउँदै सदस्य बनि बढीभन्दा वढि लाभ लिन आग्रह गरे ।

मेलमिलाप बचत तथा ऋण सहकारी संस्थाका संस्थापक अध्यक्ष एवम् श्रीकृष्ण गण्डकी माविका प्रधानाध्यापक सुर्यनाथ तिवारीले पिछडिएको समुदायको जिवनस्तर उकास्न सहकारी स्थापना भएपनि एकै स्थानमा उस्तै प्रकृतिका सहकारी रहेको र अझ थप एकिकृत सेवाको रुपमा कार्य गर्न एकता गरिएको बताए ।