नेशनल नमोबुद्धको १६ औं साधारणभा सम्पन्न

काठमाडौं । नेशनल नमोबुद्ध बचत तथा ऋण सहकारी संस्था लि. को १६ औं बार्षिक साधारणसभा सोमबार सम्पन्न भएको छ । संस्थाका अध्यक्ष ज्ञान बहादुर तामाङको सभापतित्वमा सम्पन्न साधारणसभामा राष्ट्रिय सहकारी संघका अध्यक्ष तथा सभासद् केशव प्रसाद वडालको प्रमुख आतिथ्यता रहेको थियो ।

सात वटा सहकारी एकिकरण भए पछिको यो पहिलो साधारणसभा हो । केही समय अघि नेशनल गोर्खा सेभिङ एण्ड क्रेडिक को अपरेटिभ, कोशिस बचत तथा ऋण सहकारी, गौतमबुद्ध बचत तथा ऋण सहकारी, दाल्खा चेली बचत तथा ऋण सहकारी, सुपर स्टार बचत तथा ऋण सहकारी, नमोबुद्ध बहुउद्देश्यीय सहकारी र गौल्ड क्वाईन बचत तथा ऋण सहकारी एकिकरण भई नेशनल नमोबुद्ध बचत तथा ऋण सहकारी संस्था बनेको थियो ।

साधारण सभाले संस्थाका अध्यक्ष ज्ञान बहादुर तामाङले प्रस्तुत गरेको बार्षिक प्रतिवेदन, कोषाध्यष चोक बहादुर मगरेको प्रस्तुत गरेको आर्थिक प्रतिवेदन र गोबर्धन घलेले प्रस्तुत गरेको लेखा समितिको प्रतिवेदन सर्वसम्वत रुपले पारीत गरेको छ ।

२ करोड १५ लाख ९४ हजार ६ सय ७८ रुपैंया सेयर पुँजी रहेको यस संस्थाले आर्थिक वर्ष २०७१÷०७२ मा २२ करोड २१ लाख ६८ हजार ८ सय ८१ रुपैंया निक्षेप संकलन गरेको सभामा जानकारी गराईयो । सामाखुशीमा केन्द्रिय कार्यालय रहेको यस संस्थाको बसुन्धरा, चावाहिल, न्यूरोड र स्वयम्भूमा सेवाकेन्द्र रहेको छ ।

साधारणसभामा राष्ट्रिय सहकारी बैंकका अध्यक्ष रमेश पोखरेल, राष्ट्रिय सहकारी बैंकका प्रवन्ध संचालक केशबहादुर उप्रेती, जिल्ला सहकारी संघका अध्यक्ष टेक प्रसाद चौलागाई लगायतको उपस्थिती रहेको थियो ।