गैडाकोट सहकारीका सदस्यको दाँत उपचार

नवलपरासी । गैडाकोट बचत तथा ऋण सहकारी संस्था लि (गैडाकोट साकोस) गैडाकोट, २ नवलपरासी र लायन्स क्लव अफ गैडाकोट को संयुक्त आयोजना एवं भिजन डेन्टल केयर प्रा. लि.को प्राविधिक सहयोगमा निशुल्क दन्त शिवीर कार्यक्रम सम्पन्न भएको छ ।

उक्त शिविरबाट २ सय ३० जना मुख तथा दाँतका बिरामीहरु लाभान्वित भए । ‘सदस्यको स्वास्थ्य हाम्रो सरोकार’ भन्ने मुल नाराका साथ हरेक वर्ष गैडाकोट साकोसले आफ्ना सदस्य र समुदायका अन्य बासिन्दाहरुको लागि यस्तै प्रकार का निशुल्क स्वास्थ्य शिबिरहरु एकल तथा साझेदारी रुपमा संचालन गर्दै आएको छ ।

गैडाकोट साकोसको ३ हजार ९ सय जना सदस्य, २ करोड ९० लाख सेयर पुँजि र २५ करोड ५० लाख कुल पुँजि रहेको छ ।