पत्नीसंग सम्बन्ध विच्छेद गर्न ओमदेवीसंगै २५ लाख लिएको चर्चा !

काठमाडाैं । रिसेप्सन डिनर भनेर बोलाइएको कार्यक्रममा डीएसपी र सांसद बेहुला बेहुलीका रुपमा सजिएर बसेको देखेपछि कांग्रेस नेताहरू नै चकित भए । २०७२ मंसिर १० गते शुक्रवार नयाँ बानेश्वरको आनन्द बैंक्वेटमा निम्ता गरिएका भीआइपी नेता र प्रहरी अधिकृतहरू कांग्रेस सांसद ओमदेवी मल्ललाई बेहुली र डीएसपी केदार ढकाललाई बेहुलाका रुपमा देखेपछि आश्चर्यमा परे ।

यी दुईजनाको लिभिङ टुगेदर सम्बन्ध रहेको समाचार करीव एक वर्षअघिनै खुलासा भएको थियो । ओमदेवीले त्यो समाचार अस्वीकार गरे पनि एक वर्षअछि आएर उनीहरूले सम्बन्ध सार्वजनिक गरेर समाचारको पुष्टि गरेका छन् । चार बजे अतिथीहरूलाई बोलाइए पनि बेहुला बेहुली साँढे चार बजेतिर बैंक्वेटमा पुगेका थिए । उमेरले ५० कटिसकेकी सांसद र डीएसपी दुवैले दोस्रो बिहे गरेका हुन् ।

ओमदेवी मल्लकी छोरीको विहे २०७२ बैशाख महिनामा भएको थियो । विहेको पार्टीमा प्राय: कांग्रेसका वरिष्ठ नेताहरू र सांसदहरू सहभागी भएका थिए । एमालेका केशव बडाल सहकारी संघको अध्यक्ष भएको नाताले निम्त्याइएका थिए । ओमदेवी बडाल अध्यक्ष रहेको संघकी उपाध्यक्ष हुन् । एमाओवादी नेता नारायणकाजीसंग ओमदेवीको निकट सम्बन्ध रहेकाले उनी निम्त्याइएका थिए । ओमदेवीसंग धेरै घनिष्ठ सम्बन्ध रहेकाहरू मध्ये विमलेन्द्र निधि र मिनेन्द्र रिजाल पनि हुन् । उनीहरूकै जोडबल र होस्टे हैंसेमा ओमदेवी सांसद बनेको चर्चा कांग्रेसमा चल्ने गर्छ ।

श्रीमान किरण जोशीसंग पारपाचुके गर्नु अघि नै धेरै पुरुषसंग नाम जोडिए पनि उनले रोज्ने बेलामा चाहिं डीएसपी ढकाल नै रोजेको चर्चा पनि विहेमा चल्यो । सुन्दर रुप र आकर्षक जिउडालका कारण ओमदेवी कांग्रेसका केही नेताहरूको आँखामा पर्न सफल भएकी सांसद हुन् । त्यही कारण उनी सांसदसम्म बनिन् । तर विहेको पार्टीमा कांग्रेस नेताहरूले कांग्रेसकै अविवाहित सांसद रामहरि खतिवडालाई जिस्काएका थिए । ‘के हो रामहरि अहिलेसम्म एउटा पनि विहे गर्न सकेका छैनौ, तिमी हुँदाहुँदै यता ओमदेवीले दोस्रो पटक विहे गरी सकिन्’ नेताहरूले जिस्काउदै भने । कसैले एउटा पनि गर्न नपाउने कसैले दुई दुई पटक ? पार्टीमा सहभागीहरू यस्तै हाँसो ठट्टा गर्दै विहे भोज खाइरहेका थिए । खतिवडालाई एकजना पाहुनाले कोहीलाई खातैखात, खतिवडा मान्यज्यूको पुर्पुपरोमा हात भनेर जिस्काएका थिए ।

भोजमा सहभागी अविवाहित नेता नारायणकाजीलाई पनि यही मेसोमा कतिपयले जिस्क्याउन भ्याए । ‘साली आधी घरवाली भन्छन्, तर, नारायणकाजीले बाजी मार्न पाएनन्’ एक सहभागीले भने । ओमदेवीले नारायणकाजीलाई भिनाजु भन्ने गर्छिन् । उनीहरूबीच हिमचिम राम्रो रहेपनि ओमदेवीले केदार ढकालसंग विहे गर्ने कुरा चाहिं नारायणकाजीले पनि सोचेका थिएनन् । त्यसो त ओमदेवीका पहिलो प्रेमी काठमाडौंका शाही शासनकालका मेयर तथा राप्रपा नेपालका नेता राजाराम श्रेष्ठ पनि हुन् । उनीहरूबीचको लामो प्रेम सम्बन्धमा पनि केदार ढकालको प्रवेशले दरार ल्याएको चर्चा ओमदेवीका साथीहरू चर्चा गर्दछन् ।

विहेमा एआइजी वीरेन्द्रबाबु श्रेष्ठ, नवराज सिलवालहरू सहभागी थिए । नवराज सिलवाललाई एकजनाले सोधिहाले–दोस्रो विहे गर्नेलाई कारवाही गर्नुपर्ने मान्छे आफैं पार्टी खाइरहनुभएको छ त ? सिलवालले पनि जवाफ दिइहाले–दुवैजनाले पहिलाको सम्बन्ध विच्छेद गरेकाले कारवाही गरिरहनु परेन । स्रोतका अनुसार, केदार ढकालले जेठी पत्नीसंग सम्बन्ध विच्छेद गर्नका लागि ओमदेवीसंगै २५ लाख रुपैयाँ लिएको चर्चा पनि विहे भोजमा चल्यो । नत्र सम्बन्ध विच्छेद नहुने र विहे गर्न नमिल्ने भन्दै उनले ओमदेवीलाई दबाबमा पारेको चर्चा छ । ओमदेवी मल्लभन्दा अगाडि यसै महिना कांग्रेसकी अर्की सांसद सीता गुरुङको पनि विहे भएको छ । शेरवहादुर देउवादेखि मिनेन्द्र रिजालसंग समेत राम्रो राजनीतिक सम्बन्ध बनाएकी गुरुङले परिबन्दमा परेर गुपचुप विहे गरेको चर्चा कांग्रेसमा चलेको छ । विहे नगर्दा नेतासंग जोडेर कुरा काट्न थालेपछि सबैको मुखबन्द गर्न सीताले झटपट विहे गर्ने उपाय निकालेको बताइन्छ ।

– साँघु साप्ताहिक