सहाराको नाफा पौने आठ करोड, सहकारीले सर्प दङ्श उपचार सेवा केन्द्र स्थापना गर्ने

विर्तामोड । सहारा नेपाल बचत तथा ऋण सहकारी संस्था विर्तामोडले आव २०७१/७२ मा रु सात करोड ९२ लाख ८९ हजार ४२६ नाफा गरेको छ । यो अघिल्लो वर्षको तुलनामा ५८.०७ प्रतिशतले बढी हो । अघिल्लो आव २०७०/७१ मा रु चार करोड ६० लाख ३९ हजार ६२४ नाफा गरेको सहकारीका सचिव महेन्द्र गिरीले जानकारी दिए ।

 छयासी हजार महिला र तीन हजार पुरुषलाई संगठित गर्दै झापा, मोरङ, सुनसरी, इलाम, उदयपुर र पाँचथरमा ४५ वटा सेवा केन्द्रमार्फत सेवा प्रदान गर्दै आएको सहकारीले आगामी आवमा १८ करोड मुनाफा गर्ने लक्ष्य लिएको उनले बताए । सहकारीको बजेट प्रस्तुत गर्दै गिरीले सहारा नेपालले छिट्टै सर्प दङ्श उपचार सेवा केन्द्र स्थापना गर्न लागेको जानकारी दिए ।