पुँजी वृद्धि गर्दै कीर्तिपुण्य सहकारी

काठमाडौं । कीर्तिपुण्य बचत तथा ऋण सहकारी संस्थाले आव २०७१/७२ मा ४३ हजार रुपैयाँ करपछिको खूद बचत (नाफा) आर्जन गरेको छ ।

सहकारीको शनिबार सम्पन्न छैटौँ वार्षिक साधारणसभामा अध्यक्ष किरणराम रञ्जितकारले वार्षिक प्रतिवेदन प्रस्तुत गर्दै संस्थाले आव २०७१/७२ मा कुल निक्षेप रु ९६ लाख ६९ हजार पु¥याएको र रु एक करोड ७ लाख ८१ हजार ऋण प्रवाह गरेको जानकारी दिए ।

गत आवको अन्त्यसम्ममा संस्थाको कुल सम्पत्ति तथा दायित्व रु एक करोड १८ लाख ९० हजार पुगेको छ । संस्थाको कुनै पनि भाखा नाघेको ऋण रहेको छैन ।

हाल संस्थाको कुल सदस्य सङ्ख्या ८१ रहेको छ । संस्थाले चालु आवमा पनि पुँजी वृद्धि गर्दै जाने लक्ष्य राखेको छ ।