आदर्श सञ्चार सहकारीको अध्यक्षमा थापा

बागलुङ । आदर्श सञ्चार सहकारी संस्था लिमिटेड बागलुङको नवौँ साधारणसभाले अम्मरबहादुर थापाको अध्यक्षतामा १३ सदस्यीय नयाँ सञ्चालक समिति र मिनबहादुर केसी (मिलन) को संयोजकत्वमा ३ सदस्यीय लेखा समिति सर्वसम्मत चयन गरेको छ ।

सञ्चालक समितिको उपाध्यक्षमा हुमा कुमारी जि.सी. (अञ्जु), सचिवमा प्रेम लामिछाने, सह–सचिवमा ललिता थापा तथा कोषाध्यक्षमा अनन्तबहादुर खड्का रहेका छन् ।

समितिका सदस्यहरुमा गंगा शर्मा, शान्ति ज्ञवाली, शान्ति श्रेष्ठ, राजेश श्रेष्ठ, थानेन्द्रप्रसाद गौतम, राजेशचन्द्र राजभण्डारी, योगेन्द्रराज पराजुली र सन्तोष क्षेत्री रहेका छन् । यस्तै लेखा समितिका सदस्यहरुमा सरस्वती खड्का परियार र हरिराम अधिकारी चयन भए । नवनिर्वाचित अध्यक्ष अम्मरबहादुर थापाले आदर्शले लिएको लक्ष्य अनुसार विगतका कार्यक्रमलाई निरन्तरता दिदै आगामी दिनमा थप नया योजना बनाएर अगाडि बढ्ने प्रतिवद्धता व्यक्त गरे ।

संस्थाले धौलागिरि जागरण दैनिक र अग्रसर मासिक पत्रिका प्रकाशन गर्दै आइरहेको छ । पत्रिका प्रकाशनका अलावा संस्थाले वचत तथा ऋणको कारोबार गर्नुका साथै सूचना र सञ्चार, सहकारिता एवम् आर्थिक सामाजिक क्रियाकलापमा काम गर्दै आएको छ । संस्थामा हाल ७ सय ८० जना शेयर सदस्य र २ करोड शेयर रकम पुगेको छ ।