सभासद कोषबाट सहकारीलाई ४० लाख सहयोग, १० हजार वेरोजगार युवालाई शिपमूलक तालिम दिईने

काठमाडौं । स्वास्थ्य विकास सहकारी संस्थाको छैठौं वार्षिक साधारण सभा सम्पन्न भएको छ ।

उक्त साधारण सभामा काठमाडौं ९ क्षेत्रका सभासद ध्यान गोविन्द रञ्जितले सहकारी संस्थाको लागि आफ्नो सभासद कोषबाट सहकारीलाई हितोपयोगी कार्यक्रमहरु गरेवापत सहयोग गर्ने प्रतिवद्धता व्यक्त गरे । साथै सभासद रञ्जितले उक्त सहकारीले गरेको कार्यक्रम अरु सहकारीले गरेको कार्यक्रम भन्दा पृथक भएकाले सहयोग गर्नु पर्ने बताए । ‘विचार जे सुकै भएपनि म जनताको प्रतिनिधि हुँ । त्यसको हैसियतले विगतमा ४० लाख रुपैयाँ निकासा गरी सहयोग गरेको हुँ ।’ उनले भने ।

त्यसैगरी कृषि सेवा केन्द्र कलंकीका प्रमुख देवी प्रसाद सेढाइले सहकारीले यसै आवमा कृषि क्षेत्रमा लगानी र कार्यक्रम ल्याएकाले कृषि क्षेत्रको विकासको लागि आफ्नो तर्फबाट सक्रिय सहयोग पु¥याउने बताए । उक्त कार्यक्रममा सेढाईले सरकारले कृषि क्षेत्रको विकासको लागि बजेट र कार्यक्रमहरु अगाडि बढाइएकाले अबको कार्यक्रम ठोस रुपमा लैजाने बताए ।

त्यसैगरी पश्चिम भेगिए कृषक समन्वय समितिका अध्यक्ष पुष्पकाजी श्रेष्ठले सहकारीको कार्यक्रममा आफ्नो क्षमताले भ्याएसम्मको कार्यगत एकता गरी अगाडि बढ्ने र बजार व्यवस्थापन समेत सेवा पु¥याउने प्रतिवद्धता जनाए । कार्यक्रममा सहकारी संस्थाका अध्यक्ष प्रदीप गौतमले आगामी दिनहरुमा संस्थाले हिजोका दिनहरुमा जस्तै १० हजार भन्दा बढी वेरोजगार युवा युवतीहरुका लागि रोजगार सिर्जना गर्न शिपमूलक तालिमको व्यवस्थापन गर्ने बताए । साथै गौतमले आफ्नो सहकारी संस्थाले कुनै निक्षेप संकलन नगरेको र शेयरबाट नै कार्यक्रमहरु निःशुल्क सञ्चालन भएकोले संस्थाले कुनै प्रकारको प्रलोभन नदिने बताए ।

संस्थाले रोजगार सिर्जना गर्ने उद्देश्यले विभिन्न शिपमूलक कार्यक्रमहरु गर्दै आएका छन् ।