साना किसान सहकारी मनहर्वाको सांगितिक जमघट, एकल महिलाहरु सम्मानित, तीनसय महिलालाई टिकापोते

बारा । हरितालिका तिजको अवसरमा साना किसान कृषि सहकारी संस्था, मनहर्वाले बडहर्वा चौकमा सांगितिक जमघट आयोजना गरेको छ ।
कार्यक्रममा संस्थाबाट दुईजना एकल तथा जेष्ठ नागरिक महिलाहरुलाई सम्मान गर्नुका साथै तीनसय महिलाहरुलाई एकएक थान टिकापोते प्रदान गरीएको छ । मनहर्वा गाविस वडा नं.५की ६८ बर्षीया पल्टनीया थरुनी र वडा नं. ८ की ६६ बर्षीया सञ्चमाया लमेनी सम्मानित भईन । उनीहरुलाई संस्थाकी अध्यक्ष नयनकला खड्का तथा उपाध्यक्ष फूलकुमारी बस्नेतले दोसल्ला ओढाएर सम्मान गरेका हुन् ।
करिब दुईहजार महिलाहरु सदस्य भएको संस्थाले हरेकबर्ष तीजको असरमा सांगितिक जमघट कार्यक्रमको आयोजना गर्दै आईरहेको संस्थाकी अध्यक्ष नयनकला खड्काले जानकारी दिईन । बर्षमा एकदिन गाउँभरिका महिला एकैठाउँमा जम्मा भएर खुशि साटासाट गर्ने, रमाईलो गर्ने वातावरण संस्थाले मिलाएको बताईन ।