हाम्रो सहकारीको मुनाफा २६ लाख, आठ करोड २८ लाख ३९ हजार ६३५ लगानी

झापा । झापाको मेचीनगरस्थित हाम्रो बहुउद्देश्यीय सहकारी संस्था (हाबस)ले गत आव २०७१/७२ मा २६ लाख २३ हजार २ सय १८ मुनाफा गरेको छ ।

संस्थाले अघिल्लो आवको तुलनामा गत आवमा पाँच लाख ७७ हजार ९ सय ३० अर्थात् २८ दशमलव २ प्रतिशतले बढी मुनाफा आर्जन गर्न संस्था सफल भएको सहकारीका अध्यक्ष हरिचरण बानियाँले बताए ।

आव २०७०/७१ मा संस्थाको मुनाफा २० लाख ४५ हजार २ सय ८८ रहेको थियो । संस्थाको गत असार मसान्तसम्ममा ७ सय ४१ महिलासहित एक हजार ८ सय ३१ जना सेयर सदस्य रहेका छन् जसबाट एक करोड ७६ लाख १२ हजार ३ सय सेयर पुँजी सङ्कलन भएको छ ।

हाबसले गत आव २०७१/७२ मा पाँच करोड ७७ लाख ४७ हजार २०३ निक्षेप सङ्कलन र आठ करोड २८ लाख ३९ हजार ६३५ कर्जा लगानी गरेको छ ।