फाइनान्स कम्पनीहरुलाई बचत तथा ऋण सहकारी संस्थाले जित्यो, विकास बैंक अलिकति मात्र ठूला

काठमाडौं । देशभर खुलेका सहकारी संस्थाहरुसँग सर्वसाधारणको कति बचत होला ? सहकारी विभागका अनुसार १३ हजार ४१३ वटा ऋण तथा बचत सहकारी संस्थाहरुसँग सर्वसाधारणको एक खर्ब ३१ अर्ब २९ करोड रपैयाँ बचत छ ।

समूहभित्र निक्षेप र कर्जा प्रवाह गर्ने उद्देश्यले सहकारी संस्थाहरु खुलेपनि राष्ट्र बैंकले लाइसेन्स दिएका वित्तीय संस्थाहरु सरह यसले कारोबार गरेर सर्वसाधारणको बचत बढाएको हो । ठूलो रकम बराबरको बचत परिचालन गर्ने भएपनि यसको भरपर्दो र बलियो नियामक निकाय छैन ।

ग वर्गका वित्तीय संस्थाहरुसँग भन्दा सहकारी संस्थाहरुसँग भएको बचत ५७ प्रतिशतले बढी छ । फाइनान्स कम्पनीहरुसँग जम्मा ७४ अर्ब ३२ करोड रुपैयाँ मात्र निक्षेप छ ।

सहकारीभन्दा केही वढी मात्र विकास बैंकहरुसँग निक्षेप छ । विकास बैंकहरुसँग दुई खर्ब १५ अर्ब ९३ करोड रुपैयाँ निक्षेप छ । राष्ट्रिय स्तरका विकास बैंकभन्दा वढी एउटै सहकारीमा सर्वसाधारणको वढी निक्षेप छ ।

सहकारीले एक खर्ब २१ अर्ब ६९ करोड रुपैयाँ कर्जा लगानी गरेका छन् । जबकी ख वर्गको विकास बैंकले एक खर्ब ८३ अर्ब ९८ करोड रुपैयाँ कर्जा लगानी गरेका छन् भने ग वर्गका फाइनान्स कम्पनीले सहकारीभन्दा कम अर्थात ६८ अर्ब १० करोड रुपैयाँ मात्र कर्जा लगानी गरेका छन् ।

विजमाण्डूबाट