छ सहकारीलाई चिलिङ भ्याट वितरण

इलाम । जिल्ला पशुसेवा कार्यालय, इलामले जिल्लाका छवटा सहकारी संस्थालाई दूध चिस्याउने चिलिङ भ्याट वितरण गरेको छ ।

गत आव ०७१/७२ मा दुई हजार, एक हजार र ५०० लिटर क्षमताका चिलिङ भ्याट संस्थालाई वितरण गरिएको छ ।

कार्यालयले साङरुम्बास्थित पानीटार कृषि सहकारी संस्थालाई दुई हजार लिटर क्षमताको, पशुपतिनगर–९ स्थित लक्की डेरी, साँखेजुङस्थित कञ्चनजङ्घा चीज उद्योग, इलाम नगरपालिकास्थित महत कृषि र पशुपालन व्यवसायलाई एक÷एक हजार लिटर क्षमताको तीन वटा चिलिङ भ्याट वितरण गरेको जनाएको छ ।

सूर्योदय नगरपालिकास्थित आचार्य पशुपालन कृषि तथा डेरीफर्म र चुलाचुलीस्थित अन्नपूर्ण कृषि तथा सहकारी संस्थालाई ५०० लिटर क्षमताका दुई वटा चिलिङ भ्याट वितरण गरेको कार्यालयका प्राविधिक डिकबहादुर कार्कीले जानकारी दिए । चिलिङ भ्याट स्थापना भएपछि किसानलाई दूध सङ्कलनमा सहयोग पुगेको छ ।