सहकारी ठगी काण्डमा तराई टेलिभिजनका संचालक प्रहरी खोरमा

काठमाडौं । आर्थिक संकटपछि हालै बन्द भएको तराई टेलिभिजनका संचालक पनि यतीबेला प्रहरी खोरमा छन् ।

१४ करोड रुपैयाँ ठगी गरेको आरोपमा तराई टेलिभिजन(टिटिभी)का संचालक मनोजभक्त श्रेष्ठ पक्राउ परेका छन् । महानगरीय प्रहरी अपराध महाशाखाले उनलाई पक्राउ गरेको हो । ठगीपछि श्रेष्ठ भारतमा लुक्दै आएका थिए । नेपाल आएलगत्तै उनी पक्राउ परेका हुन् ।

श्रेष्ठले रिनाउन्स सहकारीबाट मात्र १४ करोड रुपैयाँ ठगी गरेको उजुरी प्रहरीमा छ । सहकारीमा पैसा जम्मा गरेका निक्षेपकर्ताहरुको पैसा लिएर उनी भागेका थिए । अरु व्यक्तिहरुलाई पनी उनले विभिन्न बहानामा ठगी गरेकाे दृष्टि अनलाइमा खबर छ ।

श्रेष्ठ पक्राउ परेसँगै तराई टेलिभिजन बन्द भएको छ । टेलिभिजनका पत्रकार तथा कर्मचारीले लामो समयदेखि तलब पाउन सकेका छैनन् ।