तीन सय जनाभन्दा बढी यार्सागुम्बा संकलक सम्पर्क बाहिर

चरिकोट । शनिबारको भूकम्पपछि दोलखामा करिब तीन सय जनाभन्दा बढी यार्सागुम्बा संकलक सम्पर्क बाहिर रहेका छन् ।
लामाबगर गाविसमा यार्सागुम्बा संकलनमा गएका तीन सय जना भूकम्पपछि सम्पर्क बाहिर रहेको जिल्ला प्रशासन कार्यालयले जनाएको छ । सम्पर्क बाहिर रहेका संकलकहरु दोलखा तथा अन्य छिमेकी जिल्लाका समेत भएको हुनसक्ने प्रजिअ प्रेमलाल लामिछाने बताए ।
यसैगरी लप्सीखोला जलविद्युत् आयोजनाको सम्भावित अध्ययनका लागि यहाँ आएको १६ सदस्सीय टोलीसमेत भूकम्पपछि सम्पर्क बाहिर रहेको प्रजिअ लामिछानेले बताए। हालसम्म जिल्लामा भूकम्पबाट ४८ जनाको मृत्यु भएको छ भने ७६ जना घाइते भएका छन् ।
यस्तै गौरीशङ्कर गाविसको सिमीगाउँमा रहेका ११ जना पर्यटकको टोली भूकम्पपछि अलपत्र परेको छ ।