रमनलाई एकलाख पुरस्कार

काठमाडौं । होण्डा मोटरसाईकलको पहिलो हप्ताको लक्कि ड्र को एक लाख नगद पुरस्कार नुवाकोटका रमन श्रेष्ठले जितेका छन् ।

होण्डा बाइकको आधिकारीक विक्रेता स्याकार टे«डिङ कम्पनीले नयाँ बर्ष २०७२ को अवसर पारेर सुरु गरेको न्यु इयर २०७२ अफर अन्र्तगत बैशाख महिना पहिलो हप्ताको एक लाख नगद श्रेष्ठले पाएका हुन् ।

स्याकार कम्पनीले सञ्चालन गरेको होण्डा नयाँ बर्ष अफर अन्र्तगत होण्डा कम्पनीका कुनैपनि बाइक वा स्कुटर किन्दा एउटा स्क्रयाच कुपन प्रदान गर्दै आएको छ । कुपनबाट तत्काल ४ हजार देखी १ लाख नगद छुट दिनुका साथै हप्ताभरी विक्रि भएका मोटरबाइक र स्कुटर कुपन मध्येबाट एकजना भाग्यमानिलाई लक्कि ड्र गरेर एक लाख नगद पुरस्कार दिने छ ।
डियो स्कुटर खरिद गर्दा लक्कि ड्र मार्फत एक लाख रुपैयाँ पुरस्कार पाएका नुवाकोट बिदुरका श्रेष्ठलाई बालाजुमा रहेको कपुरी ब्रदर्शका प्रोपाइटर किरण कपुरीले एक कार्यक्रमका बिच चेक हस्तान्तरण गरे ।

रमन श्रेष्ठले बालाजुको कपुरी ब्रदर्शबाट यही बैशाख ४ गते स्कुटर खरिद गरेका थिए । एक लाख नगद पुरस्कार जितेपछि श्रेष्ठले खुशी हुँदै किनेको स्कुटर उपहारमा बदलिएको प्रतिक्रिया दिएका छन् । श्रेष्ठले स्कुटर किन्दा स्क्रयाच कुपनबाट नगद ४ हजार रुपैयाँ छुट समेत पाएका थिए ।

स्याकार कम्पनीले विभिन्न चाडपर्व तथा उत्सवहरुमा होण्डका सवारी साधनमा विशेष छुट र अफर प्रदान गर्दै आएको छ ।