डडेलधुरा र डोटीमा २८.२५ करोड सहयोग

डडेलधुरा । नेपाल स्थित भारतीय राजदुत रणजीत रायले डडेलधुराको खलंगास्थितश्री महेन्द्र उच्च माविको विद्यालय भवन र नेपाल रेडक्रस सोसाइटीको रक्तादान केन्द्रको उद्घाटन गरेका छन् ।

त्यस्तै डोटी स्थित श्री रामपुर उच्च माध्यमिक विद्यालय, बुदार र श्री वालमन्दिर प्राथमिक विद्यालय सिलगढी लाई फर्निचर तथा उपकरणहरु प्रदान गर्नको लागि एक छुट्टै सम्झौता पत्रमा समेत हस्ताक्षर भएको छ । रामपुर उमाविका लागि ४३ लाख र वालमन्दिर प्राविका लागि ५२ लाख प्रदान गर्ने सम्झौता भएको हो ।

महेन्द्र उमावी र रक्तादान केन्द्रको परियोजनाहरु भारत सरकारकोे सहयोगमा डडेलधुरा र डोटी जिल्लाविकास समितिले २८.२५ करोडको लागतमा सम्पन्न गरेका हुन ।

१९५७ मा स्थापित महेन्द्र उच्चमाविमा ५ सय ५० विद्यार्थी अध्ययनरत छन् । त्यस्तै १९६७ मा स्थापित डडेलधुराको नेपाल रेडक्रस सोसाइटीको रक्तादान केन्द्रले आशन्न जिल्लाहरुलाई समेत धान्ने गरी वार्षिक ५०० युनिट रगत संकलन गर्दै आएको छ ।