विद्यालय भवन निर्माणको सहयोग

काठमाडौं । दार्चुला जिल्लाको खलंगास्थित ५ मिलीयन लागतमा सम्पन्न भएको श्री पशुपति शिक्षा मन्दिरको विद्यालय भवन भारतका राजदूत रणजीत रायले उदघाटन गरेका छन् । दुतावासले विद्यालयको फर्निचर तथा उपकरणहरु खरिदको लागि १.५ मिलीयन नेपाली रुपैंया भारतीय सहयोग समेत प्रदान गर्ने छुट्टै सम्झौतापत्रमा हस्ताक्षर गरिएको छ ।

भारत–नेपाल आर्थिक सहयोग कार्यक्रम अन्तर्गत संचालित विभिन्न विकास परियोजनाहरुले नेपालका जनताको शान्ति र समृद्धिको पाइलामा सहयोग पुग्ने रायले बताए ।

विद्यालय भवन निर्माणको अतिरिक्त, भारतको ६.६१ करोडको अनुदान सहयोगमा यस जिल्लामा ३ ओटा विकास परियोजनाहरु निर्माणाधिन छन् भने भारतीय सहयोगमा २ ओटा एम्वुलेन्सहरु समेत यस जिल्लाको लागि प्रदान गरिसकिएको छ । यस बाहेक नेपाल भरिका २३८ भन्दा बढी शैक्षिक संस्थाहरुले भारत सरकारको ६३३ करोड ७० लाखको सहयोग प्राप्त गरिसकेका छन् ।