सहकारी दिवस : नयाँ सदस्यलाई सहकारी शिक्षा

नवलपरासी । ५८ औं राष्ट्रिय सहकारी दिवसको अवसरमा गैडाकोट बचत तथा ऋण सहकारी संस्था, गैडाकोट–२ नवलपरासीले आफ्ना नयाँ सदस्यहरुको लागि सहकारी शिक्षा तालिम सम्पन्न गरेको छ ।

संस्थाले हालसालै सदस्यता प्राप्त गरेका नयाँ सदस्यहरुलाई सहकारीको विषयमार्फत शिक्षीत गराउँदै उनिहरुलाई गैडाकोट साकोसमा आर्थिक तथा सामाजिक रुपमा सक्रिय सहभागी गराउन सहकारी के हो ? सहकारीमा आबद्ध हुनुका फाइदा, संस्था संचालनमा सदस्यहरुको भुमिका तथा गैडाकोट साकोसको उत्पादन तथा सेवाहरुको बारेमा जानकारी गराएको छ ।

कार्यक्रमलाई संस्थापक अध्यक्ष तथा हाल लेखा तथा सुपरिबेक्षण समिति संयोजक गोबिन्द सुबेदी, उपाध्यक्ष तारानाथ लामिछाने र ब्यबस्थापक रामचन्द्र सुबेदीले सहजीकरण गरेका थिए ।
चैत्र १५, १६ र १७ गते तीन दिनमा तीन समुहमा गरि संचालन भएको उक्त तालिम कार्यक्रममा १४४ जना को सहभागिता रहेको थियो ।