नेफ्स्कूनका टोलीद्वारा गभर्नर संग भेट, ऐन ल्याउन नेफ्स्कूनले गरिरहेको प्रयासलाई सहयोग पुर्याउन आग्रह

काठमाण्डू । नेपाल वचत तथा ऋण केन्द्रीय सहकारी संघ लिमिटेड (नेफ्स्कून) को प्रतिनिधि मण्डलले आज (बिहिबार) नेपाल राष्ट्र बैंकका नवनियुक्त गभर्नर डा. चिरञ्जिवी नेपाललाई भेट गरेको छ ।

सोहीक्रममा नेफ्स्कूनका अध्यक्ष ऋषिराज घिमिरेले नेपाललाई बधाई तथा शुभकामना दिए । घिमिरेले बचत तथा ऋण सहकारी क्षेत्रको नियमन र सुशासनका लागि छुट्टै बचत तथा ऋण सहकारी ऐन ल्याउन नेफ्स्कूनले गरिरहेको प्रयासलाई सहयोग पुर्याउन नेपालसंग आग्रह गरे ।

गभर्नर नेपालले नेफ्स्कूनसंग छलफल गरी अघि बढन आफु प्रतिवद्ध रहेको जानकारी गराए । टोलीमा महासचिव परितोष पौड्याल, कोषाध्यक्ष नानीबाबु बुढाथोकी र सञ्चालक कृष्ण पौडेलको सहभागिता रहेको थियो ।