६४ सहकारीलाई २ करोड २२ लाख अनुदान, कुन सहकारीले कति पाए ? (अनुदान पाउने सहकारी र रकम सहित)

काठमाडौं । सहकारी विभागले यस वर्ष देशरभरका ६४ सहकारी संघ/संस्थालाई २ करोड २२ लाख अनुदान वितरण गरेको छ ।

देशभरबाट आवेदन माग गरेका सहकारीमध्ये विभागले ६४ सहकारी संघ÷संस्थालाई अनुदान वितरण गरेको हो । विभागले यसवर्ष पशुपालन र पशुजन्य उद्योग स्थापनाका लागि सबै भन्दा बढी अनुदान वितरण गरेको छ । विभागले सहकारी उद्यम तथा परियोजना स्थापना र विस्तारका लागि सहकारी संस्थाहरुलाई अनुदान दिदैं आएको छ । विभागले ‘सहकारी संघरसंस्थालाई उपलब्ध गराइने अनुदान तथा भन्सार महसुल छुट सुविधा सिफारिससम्बन्धी कार्यविधि २०६८’ अनुसार वितरण गरिको विभागका बरिष्ठ कृषि अर्थविज्ञ विष्णु प्रसाद घिमिरेले बताए । छनोट भएको संस्थालाई किस्ता किस्तामा रकम वितरण गरिने उनले बताए ।

विभागले गाईभैंसी, बाख्रापालन, भेडा, बंगुर, अलैँची, उखु, माछापालनलगातय सम्बन्धित पेसा तथा उद्योगहरु विस्तारका लागि ५० प्रतिशत अनुदान दिँदै आएको छ । यस्तै सीमान्तकृत समुदाय, दलितका पेसा, सहकारी संस्थाहरुद्वारा स्थापना गरिएका बजार तथा उद्योगहरुको सुदृढीकरणका लागि अनुदान सहयोग गर्दै आएको छ । योभन्दा अघि विभाग तथा सम्बन्धित निकायबाट अनुदान प्राप्त गरिसकेका संघरसंस्थाहलाई एउटै प्रयोजनका लागि अनुदान पाउँदैन । तर विभागले उद्योग विस्तार गरी उत्पादनमा विविधीकरण ल्याएका संघरसंस्थाहरुलाई भने अनुदान माग गर्न बन्देज नहुने जनाएको छ ।

सहकारीमार्फत उत्पादकत्व बढाउन सरकारले आव २०६५र०६६ देखि सहकारीलाई अनुदान दिने कार्यक्रम सुरु गरेको गरेको हो । यसअघि सरकारले आव २०६९/०७० मा १ करोड ४५ लाख , २०६८/०६९ मा १ करोड २० लाख, २०६७/०६८ मा १ करोड २० लाख, २०६८/०६९ मा ५ करोड ९४ लाख रुपैयाँ, २०६६/०६७ मा ९० लाख र आव २०६५/०६६ मा ७५ लाख रुपैयाँ अनुदान दिएको थियो ।

यि हुन् अनुदान पाउने सहकारी