काठमाडौं जिल्ला संघलाई देशकै उत्कृष्ट बनाउनुपर्छ : बडाल

काठमाडौं । राष्ट्रिय सहकारी संघका अध्यक्ष केशव वडालले जिल्ला सहकारी संघ काठमाडौंलाई देशकै उत्कृष्ट संघ बन्नुपर्ने बताएका छन् ।

संघको १५ औं साधारणसभाको उद्घाटन गर्दै बडालले आगामी नेतृत्व रचनात्मकढंगले अघि बढ्नुपर्ने बताए । सहकारीमार्फत आर्थिक संमृदि हाशिल गर्न सकिने भन्दै बडालले त्यसका लागि असल नेतृत्व चयन गर्न सम्पूर्ण सहकारीकर्मीलाई आग्रह गरे ।

कार्यक्रममा राष्ट्रिय सहकारी संघका वरिष्ठ उपाध्यक्ष मीनराज कडेंलले काठमाडौं जिल्ला संघले सबै संघलाई मार्गनिर्देशन दिन सक्नुपर्नेमा जोड दिए । संघका पूर्व अध्यक्ष दीपकप्रकाश बाँस्कोटाले काठमाडौं जिल्लामा सहकारीको विकृति धेरै रहेकाले त्यसलाई रोक्न सक्नुपर्ने बताए । संघले अन्य सहकारी संघसंस्थालाई अनुशासन सिकाउनुपर्नेमा जोड दिए ।

यही साधारणसभाले ५ वर्षका लागि नयाँ कार्यसमिति चयन गर्दै छ । नयाँ नेतृत्वका लागि त्रिपक्षिय भिडन्त हुने भएको छ । कांग्रेस निकट सहकारीकर्मी, एमाले र एमाओवादीको संयुक्त प्यानल र स्वतन्त्र सहकारीकर्मीहरुको प्यानल रहेको छ । चुनावी प्रक्रिया शुरु भसकेको । केही समय पछि मतदान प्रक्रिया शुरु हुने निर्वाचन समितिले जनाएको छ । मतदाताको संख्या १८०१ रहेका छन् ।