सवा ३ करोड भारतीय सहयोग

उदयपुर । उदयपुरको जोगीदह गाविसमा रहेको जनता उच्च माध्यमिक विद्यालयको भवन निर्माणका लागि करिव सवा ३ सय करोड भारतीय सहयोग उपलब्ध भएको छ । भारतीय राजदुत रञ्जित रेले शुक्रबार विद्यालय भवन शिलान्यास गरेका हुन । नेपाल–भारत आर्थिक सहयोग कार्यक्रम अन्तर्गत भारत सरकारले उक्त सहयोग प्रदान गरेको हो ।

भवन निर्माण कार्य जिल्ला विकास समिति, उदयपुरले ३ करोड ६ लाख १५ हजारको लागतमा सम्पन्न गर्ने छ ।  सन् १९५९ मा प्राथमिक विद्यालयको रूपमा स्थापना भएको उक्त विद्यालय सन् २००८ मा उच्च माध्यमिक विद्यालयका रूपमा स्तरोन्नती भएको थियो । भारतको सहयोगमा नयाँ निर्माण हुने भवनबाट जिल्लाका १५ गाविसका करिब १२ सय विद्यार्थी प्रत्यक्ष लाभान्वित हुनेछन् ।

शिलान्यास कार्यक्रममा सम्बोधन गर्दै राजदूत रेले भारत–नेपाल आर्थिक सहयोग कार्यक्रमले नेपालका जनताको शान्ति र समृद्धिको यात्रामा सहयोग पुग्ने आशा व्यक्त गरेका थिए । विद्यालय भवन निर्माण बाहेक उदयपुरमा भारतको करिव ८ करोडका अन्य आयोजनाहरूमा समेत सहयोग गरेको छ । जिल्लामा ८ ओटा एम्वुलेन्स समेत प्रदान गरिएको छ ।