भारतको ६६ औं गणतन्त्र दिवसमा नेपाललाई सहयोग

काठमाडौं । भारतको ६६औं गणतन्त्र दिवसको अवसरमा भारत सरकारद्वारा नेपालका १९ जिल्लाका विभिन्न अस्पताल, परोपकारी संस्था तथा शैक्षिक संस्थालाई २० वटा एम्बुलेन्सहरु र ४ वटा बसहरु उपहार स्वरुप प्रदान गरिएको छ ।

यसको साथै भारतका राजदूतले नेपालका विभिन्न स्थानमा रहेका ७५ वटा पुस्तकालय, शैक्षिक तथा तालिम प्रतिष्ठानहरुलाई पुस्तकहरु समेत उपहार स्वरुप प्रदान गरेका छन् । राजदूतले भारतीय सेनाका भूपू सैनिकका विधवा, आश्रित तथाशारीरिक रुपले अशक्तभूपू सैनिकहरुलाई चेक तथा कम्बल समेत वितरण गरेका थिए ।

भारतले सन् १९९४ देखि नेपालको ७३ जिल्लाहरुमा अवस्थित विभिन्न संस्थाहरुलाई ४६२ वटा एम्बुलेन्सहरु प्रदान गरि सकेको छ । यसले स्वास्थ्य सेवाको पहँुचभन्दा टाढा रहेका हजारौं मानिसलाई उनीहरुको घरदैलोसम्म स्वास्थ्य सेवा पु¥याउन सहयोग पुगेको छ । भारतले नेपालका २५ जिल्लाहरुमा रहेका विभिन्न शैक्षिक तथा कल्याणकारी संस्थाहरुका हजारौं विद्यार्थीहरुको विद्यालयमा सहज पहुँचको लागि ९० वटा बसहरु उपहार स्वरुप प्रदान गरेको छ ।

भारत र नेपाल सरकारबीच कूल ७५०० करोड भन्दाबढी लगानीमा वृहत भारत–नेपाल विकास साझेदारी कार्यक्रम अन्तर्गत यी एम्बुलेन्स तथा बसहरु उपहार स्वरुप प्रदान गरिएको हो । उक्त कार्यक्रम अन्तर्गत शिक्षा, स्वास्थ्य तथा पूर्वाधार निर्माणका लागि ठूला तथा साना ५०० भन्दा धेरै परियोजनाहरु रहेका छन् जसले भारत सरकार र भारतीय जनताको नेपाली जनतासँग उनीहरुको शान्ति, स्थायित्व समृद्धिका कदममा सहकार्य गर्ने जनाएको छ । यी परियोजनाहरु दुई देशबीच रहेको गहिरो मित्रताको प्रतीकको रुपमा रहेका दुतावासले जनाएको छ ।

२६ जनवरी २०१५ माभारतको गणतन्त्र दिवसको अवसरमा राजदूतावास परिसरमा आयोजित सार्वजनिक कार्यक्रममा भारतका राजदूत रणजीत रायले राष्ट्रिय झण्डा फहराइ भारतका राष्ट्रपतिले जनवरी २५, २०१५ मा राष्ट्रका नाममा दिएको सन्देश पढेर सुनाए । उक्त सन्देशमा अन्य कुराहरुको अतिरिक्त शान्ति, स्थायित्व र छिमेकको विकासलाई जोड दिइएको थियो ।