चन्द्रसूर्य सहकारीको ‘न्यानो’ सहयोग

ललितपुर । मुलुकको तराई क्षेत्रमा अत्याधिक चिसोको कारण त्यहाँको कतिपय जनजिवन अहिले कष्टकरसँग वितिरहको छ । चिसो र शितलहरकै कारण कतिपयको मृत्युसमेत भएको छ ।

मावविय समवेदना र आफ्नो सामाजिक व्यावसायिक उत्तरदायित्व निर्वाह गर्दै ललितपुर लगनखेल स्थित चन्द्रसुर्य वचत तथा ऋण सहकारीको पहलमा १६ थान नयाँ कम्बल र दुई बोरा लुगा संकलन गरी सम्बन्धित संकलन केन्द्रमा हस्तान्तरण गरिएको छ । मानविय हित र सामाजिक विकासको लागि सहकारी क्षेत्रले थुपै्र काम गर्न सक्ने संस्थाका अध्यक्ष रामशरण वस्नेतले बताए ।

यस्ता सामाजिक कार्यको लागि संस्थाले आफ्नो खर्चमा नभै आफ्ना इच्छुक सदस्यहरुबाट रकम संकलन गर्ने गरेको वताए । सहकारीमा सदस्य बन्ने व्यक्ति स्वभाविक रुपले सहकार्य र सहयोगीको भावनाबाट प्रेरित हुने हुनाले मुलुकका ३० औं हजार सहकारीमार्फत यस्ता थुप्रै सामाजिक काम गर्न सकिने उनले बताए ।