राष्ट्रिय सहकारी बैंकको नाफा घट्यो

काठमाडौं । देशभरका सहकारी संघ संस्थाहरुको एकमात्र बैंक राष्ट्रिय सहकारी बैंकको खुदनाफा घटेको छ ।

आर्थिक वर्ष २०६९/०७० को तुलनामा आर्थिक वर्ष २०७०/०७१ मा ९९ लाख ३७ लाखले घटेको हो । कर्जा लगानी उल्लेख्य रुपमा बढेपनि खुदनाफा भने घटेको छ ।

बैंकको आर्थिक वर्ष २०६९/०७० मा खुदनाफा ९ करोड ९९ लाख ८३ हजार रहेकोमा आर्थिक वर्ष २०७०/०७१ मा ९ करोड ४६ हजार मात्र रहेको छ । बैंकले आ.व २०६९/०७० मा बैंकको कर्जा लगानी ३ अर्ब २१ करोड ११ लाख २६ हजार रहेको थियो । त्यस्तै आ.व २०७०/०७१ बैंकको लगानी ३ अर्ब ९६ करोड ३७ लाख २७ हजार पुगेको थियो ।

बैंकमा हाल ७५ जिल्लाका ७ हजार २ सय ३८ सहकारी संघ संस्था शेयर सदस्य छन् । ३३ शाखा र १ केन्द्रीय कार्यालय गरी ३४ स्थानबाट हालसम्म ६६ करोड शेयर पूँजि संकलन, ८ अर्ब निक्षेप संकलन, ४ अर्व भन्दा बढी कर्जा लगानी र ९ अर्ब भन्दा बढीको कारोबार भैरहेको बैंकले जनाएको छ ।