बारा कृषि महोत्सव तयारी पुरा

बारा । कृषि विकास कार्यालय बाराको आयोजना र साना किसान कृषि सहकारी संघ लि. बाराको सहआयोजनामा बारा गढीमाई मेला क्षेत्र वरियारपुरमा मिति २०७१ मंसिर ७ देखि १२ सम्म ६ दिन चल्ने बारा कृषि महोत्सवको तयारी पूरा भएको छ । उक्त प्रदर्शनीमा कृषि औजारहरु देखि कृषि उत्पादन, प्रशोधन र वजारीकरणका विषयहरु समेटेर ३६ वटा स्टलहरु राखिएका छन् ।

जस्मा कृषि औजारहरु, दुग्ध उत्पादन, पुष्प खेती र व्यवसाय, माछा पालन, तरकारी खेती र प्रविधि, केरा खेती, च्याउ खेती, लगायत कृषि सहकारीका वित्तीय अवस्था, उत्पादन झल्काउने कृयाकलापहरु प्रश्तुत गरिएको छ । ६ दिने उक्त बारा कृषि महोत्सवको उद्घाटन यही २०७१ मंसिर ७ गते ११ बजे माननीय युवा तथा खेलकुद मन्त्रि श्री पुरुषोत्तम पौडेलले गर्ने कार्यक्रम रहेको छ ।