सहकारी नीति कार्यन्वयनमा सभामुख नेम्वाङको जोड

सभासद्हरू बालकृष्ण खाँड, ओमदेवी मल्ल, सहकारी तथा गरिबी निवारण मन्त्रालयका सचिव श्रीधर गौतम, सहकारी विभागका रजिस्टार विष्णुहरि पौडेल र राष्ट्रिय सहकारी सङ्घ लिमिटेडका पूर्वअध्यक्ष दीपकप्रकाश बाँस्कोटाले अहिले मुलुकले शान्ति, संविधान र समृद्धि खोजिरहेको र समृद्धिको काम सहकारीले गरिरहेको बताउँदै सहकारीले दूरगामी दृष्टि राखेर आफ्नो योजना अगाडि बढाउनुपर्नेमा जोड दिए ।
कार्यक्रममा संस्थाका कार्यकारी निर्देशक सुरेन्द्र भण्डारीले वार्षिक प्रतिवेदन प्रस्तुत गर्दै चालु आर्थिक वर्षमा संस्थाले तीन करोड ३३ लाख ८० हजार राजस्व बुझाएको जानकारी दिए ।
आव २०७०÷७१ मा संस्थाले रु सात करोड ११ लाख ३७ हजार मुनाफा आर्जन गरेको थियो । आव २०६९÷७० मा कुल कारोबार रु दुई अर्ब ५७ करोड १२ लाख रहेकोमा चालु आवमा वृद्धि भई कुल कारोबार रु तीन अर्ब ३३ करोड ६८ लाख रहेको थियो ।
सेयर पुँजीतर्फ आव २०६९÷७० को कुल सेयर पुँजी रु २४ करोड ७७ हजार ४०० रहेकोमा आव २०७०÷७१ मा वृद्धि भई २५ करोड ६५ लाख ५३ हजार ४०० रहेको थियो ।
संस्थाका ललितपुर, काठमाडौँ र भक्तपुरमा तीन शाखा रहेका छन् । बाह्र हजार ८४१ सेयर सदस्य रहेको सो संस्थाको मुख्य लगानीमा लालीगुराँस हस्पिटल एन्ड रिसर्च सेन्टर प्रालि र सिन्धुपाल्चोक जिल्लाको लार्चा गाविस तातोपानीमा सञ्चालित भैरवकुण्ड हाइड्रोपावर प्रालि सञ्चालित छ ।

काठमाडौ ।  सभामुख सुवासचन्द्र नेम्बाङले राष्ट्रिय सहकारी नीति बिधेयक संसदमा छिटो भन्दा छिटो पेश गर्न जोड दिएका छन् । श्री लालीगुरास बहुउद्देश्यीय सहकारी संस्थाको १५ औं वार्षिक साधारणसभाका अवसरमा बोल्दै नेम्बाङले  विधयक निर्माणका लागि जोडतोडले लाग्न अग्रह गरे । उनले नयाँ बन्ने संविधान पनि सहकारीमैत्री निर्माण गरिनेमा विश्वास दिलाए ।