ओली भने- संविधान बन्न नदिने शक्ति क्रियाशील छ, होसियार रहनुस् !

काठमाडौं । नयाँ संविधान बन्न नदिने शक्ति क्रियाशील रहेकाले त्यस्ता पक्षसँग होसियार रहन नेकपा (एमाले) का अध्यक्ष केपी ओलीले आग्रह गरेका छन् ।

काठमाडौं महानगरपालिकाका पूर्व प्रमुख केशव स्थापित सहितलाई आज पुनः पार्टी प्रवेश गराउन पार्टी कार्यालयमा आयोजित कार्यक्रममा अध्यक्ष ओलीले साम्प्रदायिक विद्वेष निम्त्याएर स्वार्थसिद्ध गर्ने, राष्ट्रिय एकता खल्बल्याउने र निश्चित व्यक्तिका अहंकार र तुुष्टी मेटाउने प्रकारका प्रवृत्तिसँग होसियार रहन अपिल गर्दै निहुँ खोज्ने, अत्तो थाप्ने र समृद्धिलाई विथोल्न खोज्ने कार्य मञ्जुर नहुने बताए ।

उनले एमाले माघ ८ गतेभित्र सबै जनतालाई समतामूलक अधिकार दिलाउने लोकतान्त्रिक संविधान जारी गराउन दृढ रहेको स्पष्ट गरे ।

उनले आगामी निर्वाचनमा एमालेलाई बहुमतसहितको पार्टी बनाउने अभियानमा लाग्न आग्रह गर्दै नवप्रवेशीलाई हेलाँ होचो र भेदभाव नगर्ने विश्वास दिलाए ।