सर्लाही जिल्लाको लागि साढे ११ करोडको भारतीय सहयोग

सर्लाही । जिल्लाको भ्रमण क्रममाभारतीय राजदूत रणजीत रायले नेपाल–भारत आर्थिक सहयोग कार्यक्रम अन्तर्गत भारतीय सहयोगमा मानपुर, भवानीपुर, महिनातपुर, धानकौल, रामनगर वर्हौवा र राजघाट गरि छ गाविसहरुमा विद्युतिकरणको उद्घाटन गरेका छन् । ट्रन्सफर्मर सहितको नयाँ प्रसारण लाईनबाट ४००० वासीन्दाहरु लाभान्वित भएका छन् । राजदूतले भारत सरकारको आर्थिक सहयोगमा निर्माण गरिने श्री सुधा राजेश्वर उच्च माध्यमिक विद्यालयको शिलान्यास गरे ।
भारतीय सहयोगमा सीमालक्ष्मीपुर–बलारा–गदियादेखि ५ किमिकालोपत्रे सडकको पनि ः कच्चिबाट कालोपत्रेमा स्तरोन्नतीगरिने भएको छ । यसले नेपाल र भारतका सीमाबजारहरु बीचको सम्बन्धलाई जोड्ने हुदा सडकले दुई देशबीचको आर्थिक सम्बन्धलाई अझबढी बढावा जनाएको छ । यि परियोजनाका अतिरिक्त, भारत सरकारको ने.रु. ७.५५ करोडको सहयोगमा छ वटा परियोजनाहरु सम्पन्न भैसकेका छन् भने ने.रु. १५.७८४ करोडको लागतमा छ वटा परियोजनाको कार्य जारी रहेकोछ । सर्लाहीजिल्लामाप्रयोग गर्ने गरि विभिन्न संस्थाहरुलाई १८ वटा एम्बुलेन्सहरु र एउटा स्कूल बस उपहार स्वरुप प्रदानगरिएको छ ।
राजदूतले नेपाल–भारत आर्थिक सहयोग कार्यक्रमदुई देशबीचको सम्बन्धमा कोशेढुंगा जस्तै महत्वपूर्ण रहेको कुरामाजोड दिए । कार्यक्रम अन्तर्गत कार्यान्वयन भैरहेका विभिन्न विकास परियोजनाहरुले नेपालीजनताको शान्ति र समृद्धिको यात्रामा सहयोग पुग्ने आशा व्यक्त गरे ।