साना किसान फत्तेपुरको अध्यक्षमा कन्हाईलाल थारु

सिमरा, २ कात्तिक । बारा जिल्ला स्थित साना किसान कृषि सहकारी संस्था फत्तेपुरको तेर्हौं वार्षिक साधारणसभा सम्पन्न भएको छ ।

सभाले कन्हाईलाल थारुको अध्यक्षतामा नौ सदस्यीय सञ्चालक समिति सर्वसम्मत रुपमा चयन गरेको छ । सञ्चालक समितिमा उपाध्यक्ष श्रीपतिदेवी चौधरी, सदस्यहरुमा जयकिशुन चौधरी, समुद्ध्रभक्त पन्त, ज्ञान्त्रीदेवी थरुनी, पूर्णप्रसाद गौतम, शिवप्रसाद अर्याल, मिनादेवी चौधरी, बेनवा खां चयन भए । त्यस्तै लेखा समितिमा संयोजक शान्ता पोख्रेल र सदस्यहरु सुमित्रा देवी र रिन्ता चौधरीसमेत चयन गरेको छ ।

सभामा नेपाल बचत तथा ऋण केन्द्रीय सहकारी संघ नेफ्स्कूनका सञ्चालक कृष्ण पौडेलले सहकारी क्षेत्रले हासिल गरेको संगठन र वित्तिय परिचालन क्षमतालाई कृषिको व्यवसायिकरण र उत्पादनमा केन्द्रीत गर्न जरुरी रहेको बताए ।  पौडेलले विद्यमान निर्वाहमुखी खेती प्रणालीबाट व्यवसायिक स्वरुपमा विकास र कृषिजन्य उद्योगको विकास गर्न राज्यले सहयोग पुर्याउन आग्रह गरे ।
१३ वर्षअघि स्थापना भएको साना किसान कृषि सहकारी संस्थामा हाल एक हजार पांच सय सदस्यहरुवीच आठ करोडको कारोवार गरिरहेको । संस्थाले गत वर्ष चालीस लाख मुनाफा आर्जन गरेको र शेयर सदस्यहरुलाई पन्ध्र प्रतिशत लाभांश वितरण गरेको छ ।