कात्यायनी साकोसको साधारणसभामा पञ्चकन्या अतिथी

काठमाडौं, २५ असोज । मन्त्री नेता वा उच्च पदस्थ सरकारी अधिकारीलाई प्रमुख अतिथी बनाएर सार्वजनिक कार्यक्रम गरिने परम्परा तोड्दै कात्यायनी बचन तथा ऋण सहकारी संस्था (साकोस)ले पञ्चकन्यालाई अतिथी बनाएर आफ्नो छैटौँ बार्षिक साधारणसभा सम्पन्न गरेको छ ।

राजधानीको भिमसेनगोलामा रहेको उक्त सहकारीले शनिबार आफ्ना बचतकर्ताका परिवारबाट छानिएका बालीकाहरुलाई आफ्नो साधारण सभाको अतिथी बनाएको हो । सहकारी स्थापनाको ५ बर्षमा ८ सय १३ जना सदस्य छन् ।

सहकारीको शेयर पुँजि ३८ लाख १९ हजार ९ सय पुगेको छ भने, गत आर्थिक बर्षमा मात्रै ४२ लाख ५८ हजार ६ सय ९२ रुपैयाँ आम्दामी गरेको छ । संस्थाले गत आर्थिक बर्षमा ३५ लाख ७६ हजार ६ सय ९ रुपौयाँ खर्च गरेको छ ।

संस्थाले आफ्ना सदस्यहरुलाई प्रोत्साहन स्वरुप सदस्यका परिवार मध्येबाट गतबर्षको एसएलसी परिक्षामा उत्कृष्ट अंक हासिल गर्ने एक–एक जना छात्र छात्रालाई प्रशंसापत्र सहित नगद पुरस्कार प्रदान गरेको छ ।

साथै सहकारीले समाज सेवाको क्षेत्रमा निरन्तर पहल अघि बढाउने प्रतिवद्धता गर्दै रत्तदान कार्यक्रम समेत आयोजना गरेको छ ।