संगालो साकोसको तेस्रो र जीवनसहारा साकोसको चौथौं साधारणसभा

बारा १२ असोज । सिमरा स्थित संगालो बचत तथा ऋण सहकारी संस्था (साकोस)को तेस्रो वार्षिक साधारणसभा सनिवार सम्पन्न भएको छ ।

साढे दुई वर्षअघि स्थापना भएको संस्थामा हाल तीन सय सदस्यहरुवीच एक करोडको कारोवार गरिरहेको छ । कार्यक्रममा नेफ्स्कून सञ्चालक कृष्ण पौडेल, बारा जिल्ला बचत तथा ऋण सहकारी संघका अध्यक्ष भोला गौतम, सिमरा महिला सहकारीकी अध्यक्ष अनिता अधिकारी, जेष्ठ नागरिक सम्मान वृद्धाश्रम पथलैयाका अध्यक्ष जीवन कालिकोटेलगायतको अपस्थिती रहेको थियो ।

त्यसैगरी कलैयास्थित जीवनसहारा बचत तथा ऋण सहकारी संस्था (साकोस)को चौथो वार्षिक साधारणसभा पनि शनिवार सम्पन्न भएको छ । कार्यक्रममा बोल्दै प्रमुख जिल्ला अधिकारी परशुराम अर्यालले सहकारीले सामाजिक सुशासन र समृद्धिका लागि प्रभावकारी भूमिका निर्वाह गर्नुपर्ने बताए ।

कार्यक्रममा नेफ्स्कूनका सञ्चालक कृष्ण पौडेलले सहकारी अभियानको विकासका लागि जिल्ला सदरमुकामका सहकारीहरु फष्टाउनुपर्ने बताए । चार वर्षअघि स्थापित संस्थामा हाल चार सय सदस्यहरुवीच ६५ लाखको कारोवार गरिरहेको छ ।