मन्त्रीविनै चलेको सहकारी मन्त्रालयको अबस्था बेहाल

सरकार गठन भएको सात महिना बितिसक्दा गेट नजिकैबाट दैनिक ओहोरदोहोर गर्ने प्रधानमन्त्री आफ्नो मन्त्रालय कस्तो छ भनेर प्रवेश गर्न भ्याइरहेका छैनन् । कुनै काम र समस्यका बारेमा गुनासो लिएर भेट्न चfहाने मन्त्रालयका सचिव र आन्दोलनका अगुवाहरुलाई उनले समय अभाव भन्दै टारिरहका छन् ।

काठमाडौं, ३ असोज । सहकारी आन्दोलनका अगुवाहरुको लामो पहल पछि स्थापना भएको सहकारी तथा गरिबी निवारण मन्त्रालयको अवस्था बेहाल बन्दै गएको छ । प्रधानमन्त्री सुशील कोइरालाको सम्हालेको यो मन्त्रालय उनले सात महिना बितिसक्दा पनि प्रवेश गरेका छैनन् ।

त्यसो त बाबुराम भट्टराईको प्रधानमन्त्री बनेको बेला स्थापना भएको मन्त्रालय सुरुमा एकनाथ ढकाल मन्त्री भए । बाबुरामको सरकार परिवर्तन भएर खिलराज रेग्मीले मन्त्रीपरिषदको अध्यक्षताको हैसियतले आफ्नै गोजीमा  मन्त्रालय  राखे । मन्त्रीपरिषदको अध्यक्ष र सहकारी मन्त्री भएको हैसियतले एक पटक मात्र मन्त्रालयमा पुगे तर कोइरालाले सम्हालेको यो मन्त्रालय सात महिना बितिसक्दा पनि न उनले सहकारी क्षेत्रको अबस्था बारे जानकारी राखेका छन त न मन्त्रालयको काम कारबाहीको बारेमा नै सोधीखोजी । मन्त्रालयमा कार्यरत कर्मचारीको त कुरै भएन पछिल्लो सचिवले समेत मन्त्री भेट्न पाएका छैनन् ।