हातेमालो सहकारीको दोस्रो त्रिवर्षीय रणनीतिक योजना गोष्ठि सम्पन्न, साढे १३ करोड कारोबार

सिमरा, २६ भदौ । गढीमाई नगरपालिका सिमरास्थित हातेमालो बचत तथा ऋण सहकारी संस्थाको दोस्रो त्रिवर्षीय रणनीतिक योजना गोष्ठि बुधबार सिमरा उद्योग बाणिज्य संघको सभाकक्षमा सम्पन्न भएको छ ।
गोष्ठिमा बोल्दै संस्थाका अध्यक्ष कृष्ण पौडेलले हातेमालो बचत तथा ऋण सहकारी संस्थाले स्थापनाको साढे छ वर्षमा मध्यतराईको समुदायमा आधारित सदस्यकेन्द्रीत उत्कृष्ट सहकारी बनेको बताउदै आगामी तीन वर्षभित्र मुलुककै उत्कृष्ट सहकारी बनाउन सकिने बताए । वित्तिय सेवामा हासिल सफलतासंगै यसलाई सुलभ, गुणस्तरीय र जोखिममुक्त बनाउदै उत्पादन र सेवाका अन्य क्षेत्रमा प्रवेश गर्ने तयारी गरिरहेको पौडेलले बताए ।
कार्यक्रममा संस्थाका लेखा संयोजक डम्मरमणि थेवे लिम्वु, उपाध्यक्ष विनोद कलवार, सचिव यज्ञ आले, कोषाध्यक्ष शिव वाग्ले, संस्थाका सदस्य डा. मदन घिमिरे, व्यवस्थापक महेश ढुंगेललगायतले बोलेका थिए । गोष्ठिले आगामी असोज ४ गते आयोजना हुने सातौं वार्षिक साधारणसभालाई भव्य बनाउने योजनासमेत बनाएको छ । संस्थामा हाल १३३० सदस्यहरु रहेको १३ करोड साठी लाखको कारोवार भई रहेको छ ।