सञ्चालक र व्यवस्थापक एकै व्यक्ती रहने ब्यवस्था बन्द हुनुपर्छः घिमिरे

काठमाडौ,२३ भदौ । नेपाल बचत तथा ऋण केन्द्रीय सहकारी संघ(नेफ्स्कुन)का अध्यक्ष ऋषिराज घिमिरेले सञ्चालक समिति र ब्यवस्थापनमा एकै व्यक्ती रहने व्यवस्थाले सहकारीमा समस्या आएको बताउदै  यसलाई बिस्तारै बन्द गरिनु पर्नेमा जोड दिएका छन् । सोमबार स्मरण बचत तथा ऋण सहकारी संस्थाकोे छौठौँ बार्षिक साधारण सभामा बोल्दै घिमिरेले सो कुरा बताएका हुन ।
“कार्यसमिती र ब्यवस्थापन समितिमा एकै व्यक्ती हुदा संस्था सञ्चालनमा कठीनाई हुन्छ ” घिमिरेले भने । यदि सञ्चालक समितिमा ब्यवस्थापनको ज्ञान भएको ब्यक्ति भए सञ्चालक समिति छाडेर ब्यवस्थापन मात्र हेर्दा संस्थालाई सक्षम बनाउन सकिन्छ । सहकारीमा दोहोरो सदस्यता र नियमित बचत गर्ने बानिको विकास नभएकाले समस्या आएको बताउदै उनले सदस्य  केन्द्रीत नहुने सहकारीमा अहिले देखिएको भन्दा धेरै समस्या आउने उनले चेतावनी दिए ।
कार्यक्रममा डिभिजन सहकारी कार्यालय काठमाडौका बरिष्ठ सहकारी अधिकृत बलराम निरौलाले सहकारीको पहिलो प्रथामिकता सदस्यहरुको आर्थिक विकासमा केन्द्रीत हुनु पर्नेमा जोड दिए । काठमाडौका अधिकांश  सहकारीमा लगानी र ऋण असुलीमा समस्या देखिएको जानकारी दिए । सहकारीमा अहिले देखिएको मुख्य समस्य तरलता ब्यवस्थापन रहेको बताउदै उनले सहकारीमा बचत मात्र नभई सदस्यहरुलाई ऋण लिएर अन्य व्यवसाय गर्न सकिन्छ भन्ने बिषयको चेतना विकास गर्न जरुरी रहेको बताए ।
सभामा  आर्थिक प्रतिवेदन प्रस्तुत गर्दै संस्थाका सचिव  निर्मल प्रसाद हुमागाईले  संकलन गर्न सफल भएको जानकारी दिए । हाल संस्थामा ३ सय २४ पुरुष र १ सय २२ महिला  र ३ जना संस्थागत सदस्य गरि जम्मा  ४ सय ४९ जना शेयर सदस्य रेहेको हुमागाईले जानकारी दिए ।