पद्मावती सहकारीले १५ प्रतिशत लाभाशं दिने

ललितपुर, २२ भदौं  ।  पद्मावती बचत तथा ऋण सहकारी संस्थाको २१ औं वार्षिक साधारणसभा शनिबार सम्पन्न भयो । सभाको उद्घाटन गर्दै सहकारी विभागका उपरजिष्टार नारायण प्रसाद ज्ञवालीले सहकारीका कारण सहकारी अभियान बदनाम हुन पुगेको बताए । ललितपुर जिल्ला बचत संघका अध्यक्ष रामशरण घिमिरेले सहकारीलाई राज्यले नियन्त्रणमा लिन नहुने बताउनुभयो । संस्थाका अध्यक्ष ईन्द्रमुनी शाक्यले सहकारी संस्थाले समुदायको आर्थिक विकाससंगै गरिबी निवारणमा टेवा पुग्ने गरी समुदायको रुपान्तरणमा टेवा पुरयाउनुपर्नेमा जोड  दिए ।
सदस्य संख्या १ हजार ७ सय ५९ रहेको सो संस्थाले आर्थिक वर्ष २०७०÷ ०७१ मा  ३४ लाख ७५ हजार ८ सय ८७ रुपैयाँ खुद नाफा गरेको सभामा बताइएको छ ।  शेयर धनीहरुलाई खुँद नाफाबाट आयकर २० प्रतिशत र जगेडा कोषमा २५ प्रतिशत जम्मा गरी १५ प्रतिशतका दरले लाभाशं दिईने निर्णय गरिएको छ । सो संस्थाको शेयर पुँजी गत आर्थिक वर्षको असार मसान्तसम्ममा १ करोड ३७ लाख १ हजार १ रुपैयाँ रहेको जनाएको छ ।