प्रभात महिला सहकारीको तीज वचत कार्यक्रम बाट एक लाख ६० हजार संकलन

भरतपुर ८  भदौ । तीज खर्चिलो र भड्कीलो हुँदै गएको आम गुनासो रहने गरेको छ । भरपुरमा रहेको महिलाहरुको सहकारीले जीजलाई भड्किलो र खर्चिलो होईन बचत गर्ने अवसरको रुपमा लिएको छ । प्रभात महिला बचत तथा ऋण सहकारी संस्थाले आयोजना गरेको कार्यक्रममा नाचगान संगै बचत गर्नेको भीड लाग्यो ।

संस्थाको कार्यालय प्राङ्गणमा विहान १० बजेदेखि साँझ ५ बजे सम्म महिलाहरु तीजका गीत र नाचमा रमाएका देखिए । साथै कार्यालयभित्र रकम जम्मा गर्नेको लस्कर पनि उस्तै थियो । “जीजमा खर्च होइन, बचत गर्ने सन्देश दिन यो कार्यक्रम आयोजना गरेको हो”, संस्थाका पुर्वअध्यक्ष शान्ति अधिकारीले भनिन् । संस्थाले गत वर्ष पनि यस्तै कार्यक्रम गरेको थियो । यो वर्षको भन्दा दोव्वर सफलता प्राप्त भयो ।

तीज बचत कार्यक्तममा एकै दिन एक लाख ६० हजार रुपौयाँ बचत संकलन भएको पुर्व अध्यक्ष अधिकारीले जानकारी दिइन् । शनिवार मात्र चार सय जनाले बचत जम्मा गरेका थिए । न्यूनतम एक सय रुपैयाँ देखि एकै जनाले ५० हजार रुपैयाँ सम्म् बचत तथा जम्मा गरेका छन् । संस्थाले गत वर्ष तीव कार्यक्रम राखेर सदस्यहरु बाट ८० हजार रुपैयाँ संकलन गरेको थियो । प्रभात सहकारीको तीज गीत कार्यक्रममा दरका नाममा खर्चिलो भोज भतेर थिएन । सामान्य चिया विष्कुट खाएरै महिलाहरु आफैँले रचना गरेका गीतमा मादल बजाउँदै नाचेका थिए ।

तीज भड्किलो हुँदै गएपछि चितवनमा गत वर्ष जिल्ला प्रशासन कार्यालयले त्यस्ता कार्यक्रम नगर्न सूचना निकाल्यो । प्रभातले यो सूचना संगै तीजलाई उद्देश्यमुलक बनाउने सोच बनाएर कार्यक्रम गरेको अधिकारीले बताईन । प्रशासनले तीजमा भड्किलो कार्यक्रम गर्न रोक लगाएको थियो । हामीले यही मौकामा तीजमा बचत गर्ने अभियान सुरु गर्न सफल भयौँ, केन्द्रिय बचत तथा ऋण सहकारी संस्थाका केन्द्रिय सदस्यसमेत रहेकी शान्ति अधिकारीले भनिन् । प्रभातले विस २०६३ साल बाटै तीजमा कार्यक्रम गर्दै आएको छ ।

तीजका कार्यक्रमलाई सामान्य भन्दा पनि भड्किलो र खर्चिलो बनाउन प्रतिस्पर्धा चल्थ्यो । हामीले पनि कार्यक्रमलाई सामान्य बनाउन खोज्दथ्यौँ । तै पनि खर्च हुने । एकदम कम खर्च गरौँ भन्दा पनि ८० / ९० हजार रुपैयाँ त खर्च भएरै छाड्ने पुर्व अध्यक्ष अधिकारीले सुनाईन । त्यसैले प्रसानको कदम सहकारीलाई पनि मन परेको थियो ।
संस्कृतिको जगेर्ना, तडकभडक नियन्त्रण र बचत गर्ने सन्देश दिन हामीले कार्यक्र गरेका हौ भन्ने कुरा हाम्रा सेयर र अन्यलाई पनि बुझाएका छौँ । यो पटक सहभागी र बचतको मात्रा अवश्य बढ्ने आशा छ संस्थाका अध्यक्ष ईश्वरी शर्मा ढकालले भनिन् । सेयर सदस्य बन्न सक्ने सुविधा पनि थियो ।

कार्यक्रममा बचत गर्नेले अरु बेला बचत गरेको भन्दा शुन्य दशमलव पाँच प्रतिशत बढि व्याज समेत पाउने सुविधा संस्थाले दिएको छ । प्रभात महिला बचत तथा ऋण सहकारी संस्था लिमिटेड २०५२ सालको माघमा स्थापना भएको हो । संस्थामा मसहmाहरु मात्रै सदस्य छन् । सदस्य संख्या २१ सय रहेका छ । चितवनमा महिलामात्रै सदस्य रहेका सहकारीहरु सयको हाराहारीमा छन् । त्यस्तै नेपालभर ३८ सय सहारीमा महिलामात्रै सदस्य रहेको नेफ्स्कुनका केन्द्रिय सदस्य शान्ति अधिकारीले बताईन ।

अझै पनि चिया विस्कुट खाएर के कार्यक्रम गर्ने भन्नेहरु नभेटिएका पनि होइन्न् । तर तपाईको कार्यक्रम राम्रो रहेछ, हामी पनि यस्तै गछौँ भन्ने पनि थपिएका छन् अधिकारीले भन्छिन्, महिलाका सहकारीहरुले मात्रै पनि यसरी कार्यक्रम गरे बचत र संस्कृति संरक्षरणमा ठुलो सहयोग पुग्नेछ ।