ओरियन्टल सहकारीका अध्यक्ष सुधिर बस्नेतलाई पक्राउ गर्न सर्वोच्चको आदेश

उनले कोहिनुर हाउजिङ कम्पनीको नामबाट कौशलटार होम्स, भेगास सिटी लगायतका परियोजना निर्माण गर्ने आश्वासन दिलाएर सर्वसाधारणबाट लाखौं दरले रकम उठाएका थिए । आयुशा डेभलपर्सको नाममा अपार्टमेन्ट बनाउने भनेर समेत उनले करोडौं रकम संकलन गरेका थिए । उनले निर्माण गरेका एकाध अपार्टमेन्टका ग्राहकले समेत लालपुर्जा पाउन सकेका छैनन् । सर्वसाधारणबाटसँगै तिनै अपार्टमेन्टका नाममा बैंकबाट समेत बस्नेतले ऋण लिएको हुँदा उनीहरुले लालपुर्जा नपाएका हुन् ।
मैतीदेवीमा प्रधान कार्यालय रहेको ओरियन्टल सहकारी भक्तपुर, पाटन, साँखु, जनकपुर लगायत स्थानमा शाखा खोलेर संकलन गरेको निक्षेप समेत उनले भुक्तानी गरेका छैनन् ।  कम्पनीका अध्यक्ष बस्नेतले सर्वसाधारणको  ४ अर्ब ठगी गरेको उजुरी परेको छ ।

काठमाडौं ६ भदौ । सर्वोच्च अदालतले  ओरियन्टल सहकारीका अध्यक्ष सुधिर बस्नेतलाई पक्राउ गर्न आदेश दिएको छ । शुक्रवार सर्वोच्च अदालतका  न्यायाधीश गिरिशचन्द्र लाल र देवेन्द्रगोपाल श्रेष्ठको स‍युक्त इजलासले सो अादेश दिएको हो ।

जिल्ला र पुनरावेदनको फैसलाविरुद्ध सरकारले गरेको पुनरावेदनमा सर्वोच्चका न्यायाधीश गिरिशचन्द्र लाल र देवेन्द्रगोपाल श्रेष्ठको इजलासले पुर्पक्षका लागि थुनामा राख्न आदेश दिएको हो ।

सर्वोच्चले फैसला उल्टाउँदै पछि ठहर बमोजित हुनेगरी बस्नेतलाई पक्राउ गरी थुनामा राख्न आदेश दिएको हो ।सर्वसाधारणबाट उठाएको पैसा रियलस्टेटमा लगाएका बस्नेत घरजग्गा कारोवार ओरालो लागेसँगै समस्यामा उनको सहकारी समस्यामा  थिए । लामो समय आश्वासनमा अल्झाए पनि कुनै काम गर्न नसके पछि उनलाई ठगि मुद्दा चलाइएको हो ।