नेफ्स्कूनको २७ औं स्थापना दिवस आज

काठमाडौं, ३१ साउन । नेपाल बचत तथा ऋण केन्द्रिय सहकारी संघ (नेफ्स्कून)ले २७ औं स्थापना दिवस आज मनाउदै छ ।

संघ २०४५ साल साउन २३ गते स्थापना भएपनि सहकारी ऐन २०४८ आएपछि साउन २९ गते औपचारिक दर्ता भएको थियो । संघले स्थापना भएको मितिलाई बार्षिकोत्सवको रुपमा मनाउँदै आएको छ । साउनको ३२ गते स्थापना भएको भएपनि प्रत्येक वर्ष साउन ३२ को महिना नहुनेभएकाले साउनको अन्तिम दिनलाई बार्षिकोत्सवको रुपमा मनाउँदै आएको छ ।

नेफ्स्कूनले २ वटा अन्तराष्ट्रिय निकाय, ५ वटा सहकारीलाई क्षेत्रिय पुरस्कार, राष्ट्रिय पुस्कारको घोषणा गर्दै छ । बार्षिकोत्सवका घोषणा गरी साधारणसभामा पुस्कार वितरण गरिने संघका महासचिव परितोष पौडेलले सहकारीखबर डटकमलाई जानकारी दिए । संघको वार्षिकोत्सवलाई साधारणसभाको जत्तिकै महत्वका साथ हेर्ने गरेको पौडेलले बताए ।

संघले इटहरी, नारायणगढ, नेपालगञ्ज, चरिकोट, डुमे्र, हरिऔन, चावाहिल, ललितपुर, महेन्द्रनगर र बुटवलमा फिल्ड कार्यलय स्थापना गरी कारोबार गर्दै आएको छ । संघमा २ हजार ६८ प्रारम्भिक संस्था ५६ वटा जिल्ला संघ आवद्ध भएको छ । सदस्य जिल्ला संघहरुमा आवद्ध संस्थाहरु ३ हजार भन्दा वढी रहेको जनाएको छ । अवद्ध संस्थाहरुबाट ३० अर्ब भन्दा बढी कारोबार रहेको जनाएको छ । नेफ्स्कूनले ७१ जिल्लामा सदस्य विस्तार गरिसकेको छ ।

नेफ्स्कूनले २०५३ मा ९ वटा संस्थाबाट अन्तरलगानी सेवा शुरु गरेको थियो । हाल सम्म आइपुग्दा संघको ४ करोड ४० लाख शेयरपूँजी रहेको छ भने सम्पत्ति १ अर्ब २२ करोड र लगानी ५८ करोड रहेको नेफ्स्कूनले जनाएको छ ।