साढे ४१ लाख पेश्की उठ्न बाँकी, ब्याज सहित उठाउन सहकारीकर्मीको माग

कस कसले लगेका छन्, पेश्की ?

काठमाडौं, २२ साउन । राष्ट्रिय सहकारी संघबाट विभिन्न संचालक, सदस्यहरुले लगेको पेश्की तथा लिनुपर्ने रकम ४१ लाख ३६ हजार ७ सय ८९ रुपैंया १५ पैसा रहेको छ ।

पेश्की रकम लगेको लामो समय सम्म पनि भुक्तानी संघको साधारणसभामा मुख्य विषय बनेको छ । २०७० अषाढ मसान्त सम्ममा ४८ लाख ७० हजार २ सय ४९ रुपैंया ५ पैसा पेश्की रकम उठ्न बाँकी रहेको थियो । साधारणसभामा बोल्ने व्यक्तिहरुको पेश्की रकम उठ्न नसक्नुको कारण माग गरेको छ ।

लगेको पेश्की रकम व्याज सहित उठाउनु पर्नेमा जोड दिएका छन् । संचालकले लगेको पेश्की रकम लामो समय सम्म नउठ्नुले विभिन्न प्रश्न उठाएको छ ।