अझै खुल्न सकेन गोदावरी भिलेज रिसोर्ट

ललितपुर, २० साउन । विभिन्न माग राखी कर्मचारीहरू आन्दोलनमा उत्रिएका कारण करिब डेढ महिनादेखि गोदावरी भिलेज रिसोर्ट खुल्न सकेको छैन ।
कर्मचारीहरूले श्रम ऐनअनुसार उपदानको व्यवस्था गरिनुपर्ने र हालको महँगीलाई सम्बोधन गर्ने गरी तलबभत्तामा २५ प्रतिशतले वृद्धि गर्नुपर्नेलगायतका माग राखी आन्दोलन गर्दै आएको आन्दोलनरत कर्मचारी अच्यूत केसीले बताउनुभयो । कर्मचारीले किरिया खर्च र सुत्केरी खर्चको व्यवस्था हुनुपर्ने मागसमेत गरेका छन् ।
अखिल नेपाल होटल क्यासिनो तथा रेष्टुराँ मजदुर सङ्घ गोदावरी भिलेज रिसोर्टका एकाइ अध्यक्ष जीवन लुइँटेलले आन्दोलन गरेको ४२ दिन पुगिसक्दा पनि सम्बन्धित निकायले बेवास्था गरेकाले रिसोर्ट खुल्न नसकेको बताउनुभयो ।
व्यवस्थापनले गत साउन १२ गतेदेखि ढोकामा ताला लगाएपछि आन्दोलनरत कर्मचारी ढोका बाहिर बसेर आन्दोलन गरिहेका छन् ।   हाल सो रिसोर्टमा करिब १६० जना कर्मचारी कार्यरत रहेका रसबै कर्मचारी आन्दोलनमा उत्रेकाले रिसोर्टमा घुम्न बस्न आउने दैनिक १०० भन्दा बढी सेवाग्राही मर्कामा परेका छन् ।