सहकारी आन्दोलनलाई सशक्त बनाए गरिबी घटाउन सकिन्छःबाँस्कोटा

काठमाडाै, १८ साउन । पूर्व मन्त्री एवम् सहकारी आन्दोलनका नेता दीपकप्रकाश बाँस्कोटाले नेपालको सहकारी आन्दोलनलाई सशक्त बनाउन सकिए गरिबी घटाउन सकिने बताउनुभएको छ । नेशनल कोअपरेटर्स एलाइन्स नेपाल काठमाडाँै क्षेत्र नं ३ ले अाईतबार जोरपाटीमा आयोजना गरेको क्षेत्रीय भेलालाई सम्बोधन गर्दै पूर्वमन्त्री बाँस्कोटाले सो कुरा बताउनुभएको हो ।
एलाइन्सका केन्द्रीय अध्यक्षसमेत रहनुभएका बाँस्कोटाले बेरोजगारी समस्या समाधान गर्न पनि नेपालको सहकारी आन्दोलनलाई सशक्त बनाइनुपर्नेमा जोड दिनुभएको थियो । पूर्व सभासद् एवम् नेपाली काँग्रेस काठमाडाँै ३ का क्षेत्रीय सभापति चक्रबहादुर ठकुरीले सहकारी राष्ट्रको अभिन्न अङ्ग भएकाले यसलाई व्यापक बनाउनुपर्ने बताउनुभयो ।
एलाइन्स काठमाडौँ ३ नं क्षेत्रीय अध्यक्ष गोविन्दप्रसाद काफ्लेको सभापतित्वमा सम्पन्न कार्यक्रममा एलाइन्सका केन्द्रीय सहअध्यक्ष भानुभक्त ढकाल, केन्द्रीय सचिव चन्द्र ढकाललगायतका वक्ताले नेपालमा सहकारी आन्दोलनबारे चर्चा गर्नुभएको थियो । आजै सम्पन्न एलाइन्सको भेलाले काफ्लेकै अध्यक्षतामा नौ सदस्यीय क्षेत्रीय समितिसमेत सर्वसम्मतरूपमा चयन गरेको छ । समितिको उपाध्यक्षमा सनोज भट्टराई, सचिवमा राजु खनाल, सहसचिवमा अनमोल श्रेष्ठ, कोषाध्यक्षमा प्रेम बस्नेत, सदस्यहरूमा राजेन्द्रकुमार ढकाल, जयराम विष्ट, माधव ढुङ्गाना र सुदर्शन धिमाल पनि सर्वसम्मतरूपमा निर्वाचित हुनुभएको छ ।