काभ्रेमा ३८ प्रतिशत बढी राजस्व सङ्कलन
बनेपा, ११ साउन । काभ्रेपलाञ्चोक जिल्लामा विभिन्न सरकारी कार्यालयबाट ३८ प्रतिशत बढी राजस्व सङ्कलन भएको छ ।
कोष तथा लेखा नियन्त्रक कार्यालयका अनुसार आव २०६९÷७० मा कुल रु ४९ करोड ३६ लाख राजस्व सङ्कलन भएकामा आर्थिक वर्ष २०७०÷७१ मा कुल रु ६८ करोड १२ लाख ७४ हजार ३१ सङ्कलन भएको छ ।
यो आवमा सङ्कलन भएको राजस्व गत वर्षको तुलनामा रु १८ करोड ७६ लाख ७४ हजार ३१ बढी भएको सो कार्यालयका प्रमुख कोष नियन्त्रक रामबहादुर खड्काले जानकारी दिनुभयो ।
जिल्लामा पाँचवटा कार्यालयले सबैभन्दा बढी राजस्व सङ्कलन गरेका छन् । ती कार्यालयमा जिल्ला प्रशासन कार्यालय, करदाता सेवा कार्यालय, मालपोत कार्यालय, जिल्ला शिक्षा कार्यालय र जिल्ला अदालत कार्यालय रहेका छन् ।
उहाँका अनुसार जिल्लाका पाँचवटा कार्यालयको बजेट फ्रिज भएको छ । बजेट फ्रिज भएका कार्यालयमा भवन डिभिजन कार्यालय, जिल्ला विकास समिति, खानेपानी तथा सरसफाइ डिभिजन कार्यालय, जिल्ला शिक्षा कार्यालय र सिँचाइ डिभिजन कार्यालय रहेका छन् ।
अभिलेख
लोकप्रिय
नोक्सान घटाउँदै नाफामुखी यात्रामा राष्ट्रिय सहकारी बैंक
४ मंसिर २०८२, बुधबार
नियामक र सदस्यकै बेवास्ताका कारण सहकारी समस्यामा परेको निष्कर्ष
२२ कार्तिक २०८२, शुक्रबार
राष्ट्रिय सहकारी महासंघको कामु महाप्रबन्धकमा गोपीकृष्ण भण्डारी नियुक्त
३ श्रावण २०८२, शुक्रबारRecent Posts
सीएमसी कास्कीमा अधिकारीको नेतृत्व, व्यवस्थापकको क्षमता विकास मुख्य प्राथमिकता
२१ कार्तिक २०८३, शुक्रबार
प्रयास सहकारीको संस्थागत यात्रामा नयाँ फड्को, आफ्नै भवनबाट सेवा सुरु
२० कार्तिक २०८३, बिहीबार
इजाजतपत्रको प्रक्रियामा रहेका सहकारीलाई थप विवरण र कागजात अपलोड गर्न निर्देशन
१९ कार्तिक २०८३, बुधबार