बैंक तथा वित्तीय संस्थाहरुलाई सिआरआर बढाउन निर्देशन

काठमाडौं ४ असार । नेपाल राष्ट्र बैंकले मौद्रिक नीति ल्याएको तेस्रो दिननै अनिवार्य नगद मौज्दात (सिआरआर) बढाउन बैंक तथा वित्तीय संस्थाहरुलाई निर्देशन दिएको छ।
शुक्रबार बाणिज्य बैंकका लागि एक प्रतिशत बिन्दुले सिआरआर बढाउने नीतिगत निर्णय गरेको राष्ट्र बैंकले आइतबार निर्देशन नै जारी गरेर कार्यान्वयन गर्न भनेको हो।
राष्ट्र बैंकले बाणिज्य बैंकहरुका लागि छ प्रतिशत, विकास बैंकहरुका लागि पाँच प्रतिशत र फाइनान्स कम्पनीहरुका लागि चार प्रतिशत सिआरआर कायम गर्न निर्देशन दिएको हो। मौद्रिक नीतिले बाणिज्य बैंकको एक प्रतिशत र विकास बैंकहरुको ०.५ प्रतिशत बिन्दुले सिआरआर बढाउने निर्णय गरेको थियो।
फाइनान्स कम्पनीहरुको भने यथावत नै राखिएको थियो। राष्ट्र बैंकले साउन ४ गतेको हस्तादेखि नै लागू हुने गरी सिआरआर कायम गर्न भनेको हो।